GIHEVBULO 25

Gasi Nungungulu hi vangede ginani?

WOMBISA

Bhibhiliya yi ngu ganeya gu khiyo matshigu nya guvbanya nya muthu ‘ma rode, nigu ma tade khu sigaradzo.’ (Joba 14:1) Ina kamo khuwo owu womi Nungungulu a hi ningidego? Ma diri yavbi makungo ya Nungungulu tepo a nga gira vathu? Ayo makungo yoyo ma na tshuka ma tadzisega kamo? U na tsaka khu guti mihlamulo nya siwudziso sesi omu nya Bhibhiliya.

1. Jehovha o vbweta gu khuye hi manega ni womi nyo khale kharini?

Jehovha o vbweta gu khuye hi manega ni womi nyo tsakise ngudzu. Tepo a nga vanga mafu, uye ningide Adhamu ni Evha paradhesi nyo mbure, a gu jardim ya Edheni. Khavbovbo, “Nungungulu a di va kategisa a va embela, khuye: “Velegelanani, mu andra, mu tadza mafu, mu ma fumela.” (Genesi 1:28) Jehovha a di gu vbweta gu khuye va velega sanana, va vbindrugedza mafu ma khala paradhesi va bwe va sayisa sirengo. Makungo yaye gu diri gu vathu vatshavbo va vbanya womi nya wadi kala gupindruga.

Ambari olu silo si nga mba gimbiya khedzi Nungungulu a nga ba a si vbweta khidzo, a makungo yaye kha ma vbindrugedza. (Isaya 46:10, 11) Nungungulu a ngu vbweta gu khuye vathu nyo engise va vbanya kala gupindruga ni gu mana womi nya gupindruge. — Leri Gutuledwa 21:3, 4.

2. Hi nga wu mana hayi womi nyo tsakise ambari olu hi tshanganago ni sigaradzo?

Jehovha hi giride khu ndziya nya gu si lomba gu hi thangedwa khuye. Esi si thulago gu khiso hi na ni lidora nya gu muti ni gu mu khozeya. (Leri Matewu 5:3-6.) Uye o vbweta gu khuye hi manega ni wupari nyo tiye naye, ‘hi landrisa dzindzila dzaye dzatshavbo, hi mu gola’, hi bwe hi mu thumeya “khu monyo . . . watshavbo.” (Dhewuteronome 10:12; Ndzimo 25:14) Ho gira isoso, hi na tsaka khu lisine, ambari ho ba hi tshangana ni sigaradzo. Gu khozeya Jehovha si ngu hi gira hi vbanyeya gilo nyo giti.

GIRA WUGEVISISI NYO ETE

Wona lihaladzo nya likhongolo eli Jehovha a li yeyedzidego khethu tepo a nga ba a gira mafu. Wona gambe esi Bhibhiliya yi si hevbudzago khu makungo nya womi.

3. Jehovha o vbweta gu khuye vathu va vbanya womi nyo tsakise

Sistirini VHIDHYU, mu vbedza mu bhula khu giwudziso gegi.

VHIDHYU: Khu ginani Nungungulu a nga vanga mafu? — Gipandre (1:41)

Khu ginani Nungungulu a nga vanga mafu yathu nyo mbure?

Lerini Muhevbudzi 3:11, mu vbedza mu bhula khu giwudziso gegi:

Ginani egi Jehovha a thedego myonyoni gwathu? So hi hevbudza ginani isoso khu Jehovha?

4. Makungo ya Jehovha khu vathu kha ma vbindrugedza

Lerini Ndzimo 37:11, 29 ni Isaya 55:11, mu vbedza mu bhula khu giwudziso gegi:

Ho dziti kharini gu khethu makungo ya Jehovha khu vathu kha ma vbindrugedza?

Nyumba yo ba yi ghohekide si ngu kodzega gu yi wusedza. Khu ndziya nyo fane, vathu muhuno va ngu ghoheteya mafu, ganiolu Nungungulu a na ma wusedza gasi va khala umo ava va mu haladzago

5. Gu khozeya Jehovha si ngu hi gira hi vbanyeya gilo nyo giti

Guti makungo nya womi si nga hi reseya litsako. Sistirini VHIDHYU, mu vbedza mu bhula khu giwudziso gi landreyago.

VHIDHYU: Nyi tide makungo nya womi (5:03)

Womi wa Terumi wu vbindrugedzide kharini hwane nyo ba a tide makungo nya womi?

Lerini Muhevbudzi 12:13, mu vbedza mu bhula khu giwudziso gegi:

Kha nga olu Jehovha a hi gireyago silo nya singi, hi nga gira kharini gasi hi yeyedza gu khethu hi ngu mu bonga?

VAMBE VA NGA WUDZISA KHAVO: “Gasi ho vbanyeya ginani?”

U di hadzi hlamula kharini?

REZUMO

Jehovha o vbweta gu khuye hi vbanya kala gupindruga ni gu bwe hi manega ni womi nya guvbeleye omu mafuni. Tepo hi khozeyago Jehovha khu monyo wathu watshavbo, ho vbanyeya gilo nyo giti — ambari olu hi vbanyago ga dzitepo nyo garadze.

Siwudziso nyo wusedze

Jehovha a di gu vbweta gu khuye Adhamu ni Evha va vbanya womi nyo khale kharini?
Ho dziti kharini gu khethu makungo ya Nungungulu khu vathu kha ma vbindrugedza?
Ginani u yedego gu gira gasi u vbanya womi nyo tsakise?

Gihevbulo gegi gi vbede khu dhiya:

Zama gu gira esi

Bhuleya muthu nyo khaguri makungo nyo tsakise aya Jehovha a hi tumbisago.

Simbe u nga girago:

Your other goal