GIHEVBULO 26
Khu ginani gu gu na ni wuvivbi ni gutshaniseka?
Tepo vathu va tshanganago ni sigaradzo, va ngu oloveya gu dzi wudzisa khavo: “ Khu ginani si giregago silo sesi?” Si ngu tsakisa ngudzu guti gu khethu Bhibhiliya yi ngu hlamula giwudziso gegi!
1. Gasi wuvivbi wu phede kharini?
Sathane Dhiyabhulosi a di wugeya Jehovha. Uye a di vbweta fumeya vambe. Khu kharato, a di sengedzeya vathu nyo pheye, Adhamu ni Evha, gasi va dzi pata naye va wugeya Nungungulu. Sathane giride kharini isoso? A di lipheya Evha. (Genesi 3:1-5) A di gira Evha a pimisa gu khuye Jehovha a di gu mu siheya silo nya sadi. Sathane a di gu vbweta gu khuye vathu va pimisa gu khavo va na tsaka vo mba engisa Nungungulu. Khu kharato, a di pheya gu lipha tepo a nga embeya Evha khuye kha na ngafa. Khiso si girago Bhibhiliya yi rana Sathane khiyo “muliphi gambe babe nya malipha.” — Johane 8:44.
2. Ginani egi Adhamu ni Evha va nga hunga gu gira?
Jehovha yeyedzide wuhindzi nya wukhongolo ga Adhamu ni Evha. Uye a di va tshuside gu hodza mihandro nya misimbo yatshavbo yi nga ba yiri omu nya jardim ya Edheni, ganiolu a va himbedzeya gu hodza mowo basi. (Genesi 2:15-17) Ambari ulolo, avo va di hatha gu hodza mihandro nya simbo wowo. Evha “a di hava handro wule a gu hodza.” Khu gulandreya, Adhamu a di “hodza nuye.” (Genesi 3:6) Adhamu ni Evha va diri vathu nyo vbeleye. Khu kharato, na si va vbevbugede gu gira silo nya sadi. Ganiolu, va di hunga gumbaengisa. Kha nga olu va mba engisa, va di ghoheya Nungungulu va bwe va yeyedza gu khavo kha va vbweti gu fumedwa khuye. Isoso si va resede sigaradzo nya sikhongolo ngudzu. — Genesi 3:16-19.
3. Gumbaengisa ga Adhamu ni Evha gu kuhide kharini womi wathu?
Tepo Adhamu ni Evha va nga ghoha, va di khala vathu nya mba vbeleya, khavbovbo va vbindriseya gumbavbeyela gogo ga sanana sawe satshavbo. Maningano ni Adhamu, Bhibhiliya yari khiyo: “Gighoho gi bede mafuni khu muthu moyo basi, gambe gighoho gi yade gufa. Khidzo kharato gufa gu enedzidego vathu vatshavbo kholu vatshavbo va ghohide.” — Varoma 5:12.
Ina ka, khu ginani hi tshanisekago? Dzimbe dzitepo ho tshaniseka khu kotani nya silo nyo vivbe hi girago. Dzimbe dzitepo hi tshaniseka khu kotani nya silo nyo vivbe esi vathu va hathago gu gira. Hi ngu tshaniseka gambe khu gu manega ga wulanga nya mba wadi ni tepo nya mba yadi.— Leri Muhevbudzi 9:12.
GIRA WUGEGISISI NYO ETE
Wona esi si yeyedzago gu khiso Nungungulu mwalo nandru khu gutshaniseka ni silo nyo vivbe hi si wonago muhuno. Wona gambe edzi a dzi pwago khidzo tepo hi tshanisekago.
4. Gasi khu mani a hi girago hi tshaniseka?
Vathu nya vangi vo khodwa gu khavo khu Nungungulu a fumeyago mafu. Ina lisine lolo? Sistirini VHIDHYU.
Lerini Jakobe 1:13 ni 1 Johane 5:19, mu vbedza mu bhula khu giwudziso gegi:
-
Ina khu Nungungulu a hi vangeyago gutshaniseka ni wuvivbi?
5. Wona mihandro nya mufumo wa Sathane
Lerini Genesi 3:1-6, mu vbedza mu bhula khu siwudziso sesi:
-
Malipha muni ma ganedwego khu Sathane?— Wona mavhesi 4 ni 5.
-
Ginani a ganedego Sathane gasi a gira Adhamu ni Evha va pimisa gu khavo somo silo nya sadi esi Jehovha a nga ba a va siheya?
-
Khu guya khu Sathane, ina vathu va nga tsaka vo fumedwa khu Jehovha?
Lerini Muhevbudzi 8:9, mu vbedza mu bhula khu giwudziso gegi:
-
Kha nga olu mafu ma gu mba fumedwa khu Jehovha, silo muni si giregago?
-
Adhamu ni Evha va diri vathu nyo vbeleye nigu va di gu vbanya Paradhesini. Ganiolu, va di engisa Sathane va wugeya Jehovha
-
Khu gu ba va wugede Jehovha, litigo li di tala khu gighoho, gutshaniseka ni gufa
-
Jehovha a na fuvisa gighoho, gutshaniseka ni gufa. Vathu va na bwe va vbeleya va vbanya Paradhesini
6. Jehovha a ngu vbisega khu gutshaniseka gwathu
O dzipwa kharini Nungungulu khu gutshaniseka gwathu? Hongoleni hi wonani esi Pfhumu Dhavhidhe ni mupostoli Pedro va lovidego. Lerini Ndzimo 31:7 ni 1 Pedro 5:7, mu vbedza mu bhula khu giwudziso gegi:
-
Mavhesi yaya mo yeyedza gu khayo Jehovha a ngu gu wona gutshaniseka gwathu nigu a ngu dzina gu hi phasa. Wo dzipwa kharini khu gupwa isoso?
7. Nungungulu a na vbedza gutshaniseka gwatshavbo
Lerini Isaya 65:17 ni Gutuledwa 21:3, 4, mu vbedza mu bhula khu giwudziso gegi:
-
Khu ginani si gu sadi guti gu khethu Jehovha a na vbedza wuvivbi watshavbo wu tshanisago vathu?
U di gu dziti?
Tepo Sathane a nga ganeya malipha nyo pheye, a di nyenyezisa lina la Jehovha. Uye giride vathu va pimisa gu khavo Jehovha kha fumi khu ndziya nyo lulame nigu mwalo lihaladzo. Nya mba hweya, Jehovha a na fuvisa gutshaniseka gwatshavbo a bwe a yeyedza gu khuye Mufumo waye khuwo nya wadi guvbindra yatshavbo. Tepo a na girago isoso, a na agisa lina laye ga malipha yatshavbo ya Sathane. Isoso si na ni lisima ngudzu guvbindra satshavbo mafuni ni ndzadzini. — Matewu 6:9, 10.
VAMBE VARI KHAVO: “Nungungulu o hi linga khu gutshaniseka gwathu.”
-
U di hadzi khuwe ginani?
REZUMO
Sathane, Adhamu ni Evha khavo va nga hi reseya gutshaniseka mafuni. Jehovha a ngu khathala ngudzu khethu nigu nugunugu a na vbedza gutshaniseka gwatshavbo.
Siwudziso nyo wusedze
-
Malipha muni aya Sathane a nga embeya Evha?
-
Gumbaengisa ga Adhamu ni Evha gu kuhide kharini womi wathu?
-
Ho dziti kharini gu khethu Jehovha a ngu vbisega khu gutshaniseka gwathu?
HEVBULA SIMBE
Ginani gighoho. Wona hlamulo omu nya Bhibhiliya.
“Ginani gighoho?” (Ndrima nya jw.org, khu Giputukezi)
Hevbula simbe khu gigaradzo gi wusidwego khu Sathane omu nya jardim ya Edheni.
“Khu ginani Nungungulu a dzumeleyago gutshaniseka?” (Mukhedziseyi nya 1 nya Janeiro nya 2014, khu Giputukezi)
Wona mihlamulo nya gu thaveleya nya giwudziso nya lisima ngudzu.
“Khu ginani Vajudha va nga songetedwa? Khu ginani Nungungulu a nga si dzumeleya?” (Ndrima nya jw.org, khu Giputukezi)
Wona egi mwama nyo khaguri a gi hevbudego khu gutshaniseka gwaye.
You May Also Like
SIWUDZISO VA TALAGO GU GIRA
Ginani gihevbulo nya Bhibhiliya?
Mana mihlamulo nya edzi hi girago khidzo gihevbulo nya Bhibhiliya.
