Vathu vatshavbo vo vbweta dzipari nyo tumbege. Jehovha nuye o vbweta dzipari nyo tumbege. Ganiolu, kha si vbevbugi gu tumbega omu nya litigo li tadego khu vathu nya mba tumbega. Ambari ulolo, khu ginani si gu sadi gu tumbega?

1. Khu gevbini gighelo nya lisima ngudzu nya gu hi tumbega?

Tepo hi tumbegago, ho yeyedza gu khethu hi ngu mu haladza Jehovha ni gu mu ninga githawo. Dundrugeya khesi: Jehovha a ngu siti satshavbo hi pimisago ni gu gira. (Vahebheru 4:13) A ngu si wona tepo hi hathago gu tumbega nigu a ngu tsaka khiso. Lito laye lari khilo: Jehovha “kha goli va nya guvivbedwa khu myonyo, aholu a gu tsakiswa khu va nya gululama” mwendro nyo tumbege. — Mavingu 3:32.

2. Hi nga tumbega kharini guvbanyani gwathu?

Jehovha o vbweta gu khuye hi ‘ganeya lisine, muthu ni muthu ga muthu kwawe.’ (Zakariya 8:16, 17) So thula ginani isoso? So thula gu khiso kha hi na nga lipha mwendro gu tshomboroseya lisine tepo hi bhulago ni valongo, sithumi sikwawe, vandriyathu libandlani mwendro wufumu. Vathu nyo tumbege kha vabi mwendro gu kanganyisa vakwawe. (Leri Mavingu 24:28 ni Vaefeso 4:28.) Nigu muthu nyo tumbege a ngu livba mikhupo yatshavbo. (Varoma 13:5-7) Khu mambe maganelelo, ho tumbega siloni satshavbo. — Vahebheru 13:18.

3. Khu ginani si gu sadi gu tumbega?

Ho tumbega, vathu vatshavbo va na hi tumba. Khu ndziya yoyo, hi na phasa vathu vatshavbo libandlani gu dzipwa na va tshulegide khu gu manega ni ethu, kha nga esi si giregago ndrangani nya lihaladzo. Vbavbandze nya isoso, hi na ba hiri ni livhalo li agidego. Gutumbega gwathu gu nga mburisa gambe “sihevbudzo hi hakhidego khu ga Nungungulu, Muvbanyisi wathu,” gu bwe gu kutsa vambe vathu va vbweta gu hevbula khu Jehovha. — Tito 2:10.

 GIRA WUGEVISISI NYO ETE

5. Tumbega siloni satshavbo

 6. Gutumbega gu ngu hi phasa

Gutumbega gu nga hi vangeya sigaradzo nyo khaguri. Ganiolu, khu lisine lakona, khigyo gilo nya gyadi hi nga girago. Lerini Ndzimo 34:12-16, mu vbedza mu bhula khu giwudziso gegi:

• Gutumbega gu nga hi phasa kharini?

1. Vama ni vagadzi nyo tumbege va ngu tiyisa wugadzi

2. Vathumi nyo tumbege va ngu tumbwa khu vapatrawu vawe

3. Vavbanyi nya litigo nyo khaguri vo tumbega, va ngu ningwa githawo khu wufumu

 REZUMO

Jehovha o vbweta gu khuye dzipari dzaye dzi tumbega ga silo satshavbo dzi ganeyago ni gu gira.

Siwudziso nyo wusedze

• Khu dzevbini dzindziya nyo khaguri nyo yeyedze khidzo gutumbega?

• Khu ginani hi si yeligo gu pimisa gu khethu hi nga mu siheya gilo Jehovha?

• Khu ginani u vbwetago gu tumbega siloni satshavbo?