Womi wu ngu hi ninga lithomo nyo dzi buze khu silo nyo tsakise. Ambari ho ba hi tshangana ni sigaradzo, si ngu kodzega gu tsaka. Ina ka, hi nga yeyedza kharini gu khethu hi ngu ninga lisima giningwa nya womi? Nigu khu gevbini gighelo nya gikhongolo gi hi kutsago gu gira isoso?

1. Khu ginani hi yedego gu wu ninga lisima womi?

Gu vbwetega hi wu ninga lisima womi kholu giningwa gi tago khiyo ga Jehovha, Papayi wathu nya lihaladzo. Uye “gibuga nya womi” — khuye a vangidego silo satshavbo si vbanyago. (Ndzimo 36:9) “Khuye a ningago ga vatshavbo guvbanya ni guhefemula ni silo satshavbo.” (Mithumo 17:25, 28) Jehovha khuye a hi ningago satshavbo si vbwetegago gasi hi kodza gu vbanya. Ganiolu, Jehovha a ngu gira nyasingi guvbindra isoso. Uye a ngu hi ninga satshavbo hi si vbwetago gasi hi tshambedwa khu womi. — Leri Mithumo 14:17.

2. Hi nga mu yeyedza kharini Jehovha gu khethu hi ngu wu ninga lisima womi?

Gale yoyo, moyo nya githumi gya Nungungulu nyo pwani khu Dhavhidhe, gombede khuye: “Maho yago ma nyi wone, eni nyi si gu velegwi, ni matshigu nya guvbanye gwangu.” (Ndzimo 139:16) Isoso so yeyedza gu khiso Jehovha a ngu khathala khuwe gukhugeya litshigu mamayi wago a nga khura mimba yago. Womi wago khwa lisima ngudzu ga Jehovha. (Leri Matewu 10:29-31.) Jehovha a ngu wu ninga ngudzu lisima womi nyo bwe a vbisega ngudzu tepo muthu a songago muthu kwawe mwendro gu dzi songa khu abune. a (Ekisodha 20:13) Jehovha a di hadzi vbisega gambe khu gu hi vega womi wathu mhangoni nya mba na gighelo mwendro gu vega womi wa vambe vathu mhangoni. Tepo hi vhikeyago womi wathu hi bwe hi ninga githawo wa vambe, ho yeyedza gu khethu hi ngu gi ninga lisima giningwa gegi nya womi.

 GIRA WUGEVISISI NYO ETE

3. Khathaleya womi wago

Kha nga sithumi sa Jehovha, hi tumbiside gu thumisa womi wathu gasi gu mu thumeya. So fana ni gu ba hi ningede givili gyathu kha nga muphaso ga Nungungulu. Lerini Varoma 12:1, 2, mu vbedza mu bhula khu siwudziso sesi:

• Khu guya khu mavhesi yaya, ginani gi yedego gu gu kutsa gu khathaleya womi wago?

• Khu dzevbini dzindziya nyo khaguri nyo gire khidzo isoso?

 5. Ninga githawo womi nya gyanana gi si gu velegwigo

Dhavhidhe tshamusede gu khuye Jehovha a ngu khathala ngudzu khu womi ni gudandra ga gyanana gi si gu velegwigo. Lerini Ndzimo 139:13-17, mu vbedza mu bhula khu giwudziso gegi:

• Khu mawonelo ya Jehovha, ina womi nya muthu wo pheya tepo mamayi a khurago mimba mwendro tepo gyanana gi velegwago?

Milayo eyi Jehovha a nga ba a ningide vaIsrayeli yi di gu vhikeya vamamayi ni sanana si si gu velegwigo. Lerini Ekisodha 21:22, 23, mu vbedza mu bhula khu siwudziso sesi:

• Jehovha o mu wona kharini muthu a phazamago a songa gyanana gi si gu velegwigo?

• Jehovha o dzipwa kharini o tshuka muthu a gira isoso khu nyagigwenye? b

• Wo ma wona kharini mawonelo ya Nungungulu?

Sistirini VHIDHYU.

Ambari nyamayi a wu ningago lisima womi, si nga gira a tshuka a pimisa gu khuye gu pola mimba khiyo yonga ndziya nyo vbevbuge yi gomogo. Lerini Isaya 41:10, mu vbedza mu bhula khu siwudziso sesi:

• Nyamayi o kutsedzedwa gu pola mimba, a nga lomba giphaso ga mani? Khu ginani?

 REZUMO

Bhibhiliya yi ngu hi hevbudza gu gola, gu ninga githawo ni gu vhikeya giningwa gya Jehovha, a gu womi. Isoso so pata womi wathu ni owu wa vambe.

Siwudziso nyo wusedze

• Khu ginani womi nya vathu wu gu wa lisima ga Jehovha?

• Jehovha o mu wona kharini muthu a songago mumbe muthu khu nyagigwenye?

• Khu ginani u gi ningago ngudzu lisima giningwa nya womi?