GIHEVBULO 46
Khu ginani hi yedego gu hendzeledza womi wathu ga Jehovha hi bwe hi bhabhatiswa?
Gu dzi hendzeledza ga Jehovha so thula gu gombeya gwaye hi mu tumbisa gu khethu hi na khozeya uye enga ni gu thangisa gugola gwaye guvbanyani gwathu. (Ndzimo 40:8) Khu hwane nya isoso, khavbo hi bhabhatiswago. Tepo hi bhabhatiswago, ho yeyedza vathu vatshavbo gu khethu hi dzi hendzeledzide ga Jehovha. Gu gu dzi hendzeledza ga Jehovha si ngu vbindrugedza womi nya muthu. Ganiolu, ginani gi kutsago muthu gu dzi hendzeledza?
1. Ginani gi kutsago muthu gu dzi hendzeledza?
Lihaladzo khilo li hi kutsago gu dzi hendzeledza ga Jehovha. (1 Johane 4:10, 19) Bhibhiliya yi ngu hi gengedza khiyo: ‘Haladza Jehovha Nungungulu wago khu monyo wago watshavbo, khu hefemulo wago watshavbo, khu mapimo yago yatshavbo ni tshivba yago yatshavbo.’ (Marko 12:30) Kha hi hegeyi gu ganeya basi khu likana khethu hi ngu mu haladza Nungungulu, ganiolu ho yeyedza gambe khu sigiro sathu. Khu giyeyedzo, mwama ni nyamayi vo ba va haladzana khu monyo watshavbo, vo hunga gu tshadha. Khu ndziya nyo fane, gu haladza Jehovha khiso si hi kutsago gu dzi hendzeledza gwaye ni gu bhabhatiswa.
2. Khu yavbini makategwa aya Jehovha a ningago ava va bhabhatiswago?
Tepo u bhabhatiswago, wo gira gipandre nya ndranga nyo tsake ya Jehovha ya mafuni gwatshavbo. Khavbovbo, Nungungulu a na gu haladza ngudzu nigu wupari wago naye wu na tiya ngudzu. (Leri Malakiya 3:16-18.) Vbavbandze nya gu Jehovha a khala Papayi wago, u na ba uri ni vandriyago nya vama ni vanyamayi va mafuni gwatshavbo va haladzago Jehovha gumogo nago. (Leri Marko 10:29, 30.) Ganiolu, nu si bhabhatiswi, somo u yedego gu gira. Gu vbwetega u hevbula khu Jehovha, u mu haladza u bwe u khodwa ga Jesu, Gyanana gyaye. Khu guhegisa, gu vbwetega u hendzeledza womi wago ga Jehovha. Wo gira satshavbo sesi u bwe u bhabhatiswa, u na ba uri ndziyani nyo vbanye kala gupindruga. Lito la Nungungulu lari khilo: ‘Gubhapatiswa gu ngu mi vbanyisa.’ — 1 Pedro 3:21.
GIRA WUGEVISISI NYO ETE
Wona gu khuwe khu ginani si gu sa lisima gu hendzeledza womi wago ga Jehovha u bwe u bhabhatiswa.
3. Hatshavbo gu vbwetega hi hatha oyu hi na mu thumeyago
Ga Israyeli wa gale, vathu va Nungungulu va di gu pimisa gu khavo va di hadzi si kodza gu khozeya Jehovha gumogo ni nungungulu nya malipha Bhahali. Ganiolu, Jehovha a di rumeya muprofeti Eliya gasi a ya va embeya gu khuye va di gu dzi kalaveya. Lerini 1 Dzipfhumu 18:21, mu vbedza mu bhula khu giwudziso gegi:
-
Ginani egi Vaisrayeli va hathidego gu gira?
Gufana ni Vaisrayeli, anethu hi yede gu hatha oyu hi na mu thumeyago. Lerini Luka 16:13, mu vbedza mu bhula khu siwudziso sesi:
-
Vambe vo pimisa gu khavo si ngu kodzega gu khozeya Jehovha, ganiolu na va gu gira silo nyo vivbe gambe. Khu ginani isoso si gu mba kodzega?
-
Hi nga mu yeyedza kharini Jehovha gu khethu hi hathide gu mu thumeya?
4. Dundrugeya khedzi Jehovha a gu haladzago khidzo
Jehovha hi ningide siningwa nyo mbure ngudzu. Ahati ethu ke, ginani hi na mu ningago? Sistirini VHIDHYU.
Khu dzevbini dzindziya nyo khaguri edzi Jehovha a yeyedzago khidzo gu khuye a ngu gu haladza? Lerini Ndzimo 104:14, 15 ni 1 Johane 4:9, 10, mu vbedza mu bhula khu siwudziso sesi:
-
Khu sevbini siningwa sa Jehovha si hathegidego ngudzu gwago?
-
Siningwa soso so gu gira u dzipwa kharini khu Jehovha?
U di nga tshuka u hakha giningwa gi gu giridego u tsaka ngudzu? Kha hi kanakani gu khethu u mu bongide ngudzu oyu a nga gu ninga. Lerini Dhewuteronome 16:17, mu vbedza mu bhula khu giwudziso gegi:
-
Wo dundrugeya khu siningwa esi Jehovha a gu ningidego, so gu kutsa gu gira ginani?
5. Gudzihendzeledza ga Jehovha si ngu resa makategwa nya mangi
Vathu nya vangi vo khodwa gu khavo gu manega ni ndruma, thumo nya wadi, mwendro dzitsapawu khiso si girago muthu a tsaka. Ina isoso lisine kamo? Sistirini VHIDHYU, mu vbedza mu bhula khu siwudziso sesi.
-
Khu ginani Andrey a nga ema gu veteya bhola, ambari olu a nga ba a yi gola ngudzu?
-
Uye hathide gu dzi hendzeledza ga Jehovha, nasiri avba nya bhola. Wo si wona kharini, ina hathide silo nya sadi? Khu ginani?
Mupostoli Pawulo na si khali Mukristo, a diri ni satshavbo gasi a khala muthu nya ndruma. A di hevbudzidwe nayo nya Gijudha khu muhevbudzi nya ndruma ngudzu. Ganiolu, a di diga satshavbo soso gasi a khala Mukristo. Ina Pawulo dzi layide khisoso? Lerini Vafilipi 3:8, mu vbedza mu bhula khu siwudziso sesi:
-
Khu ginani Pawulo a nga ganeya gu khuye esi a nga ba a gira na si khali Mukristo si diri “ndzilo”?
-
Makategwa muni a ma manidego kholu a digidego satshavbo a khala Mukristo?
-
Ina gyomo gimbe gilo nya gyadi ngudzu u gi wonago guvbanyani nyo vbindre gu thumeya Jehovha?
Gu khala Mukristo si giride Pawulo a mana silo nya sadi guvbindra esi a nga si diga hwane
VAMBE VARI KHAVO: “Nyi ngu dziti gu kheni eli lisine, ganiolu nyi ngu vbweta gu dzi buza khu womi.”
-
Khu ginani u wonago gu dzi hendzeledza ga Jehovha nga gilo nya gyadi?
REZUMO
Lihaladzo li ngu hi kutsa gu dzi hendzeledza ga Jehovha hi bwe hi bhabhatiswa.
Siwudziso nyo wusedze
-
Khu ginani Jehovha a yedwago khu gu hi mu haladza ni gu mu khozeya khu monyo watshavbo?
-
Khu yavbini makategwa aya Jehovha a ninga sithumi saye si bhabhatisidwego?
-
U ngu dzina gu hendzeledza womi wago ga Jehovha?
HEVBULA SIMBE
Wona gu khuwe khu ginani muembeleyi moyo ni muveteyi nya bhola va nga hendzeledza womi wawe ga Jehovha.
Vaphya va ngu wudzisa — Ginani nyi na girago khu womi wangu? — Nyo khedza hwane (6:54)
Wona simbe sighelo nyo hendzeledze womi wago ga Jehovha.
“Khu ginani u yedego gu dzi hendzeledza ga Jehovha?” (Mukhedziseyi nya 15 nya Janeiro nya 2010, khu Giputukezi)
Omu nya muzka yeyi, wona edzi ava va dzi hendzeledzago ga Jehovha va tsakago khidzo.
Leri matimu: “Nyi di gu khaleya gu dzi wudzisa kheni: ‘Khu ginani hi gomogo avba?’” gasi u wona egi gi kutsidego nyamayi nyo khaguri gu dundrugeya khesi a nga ba a si thangisa guvbanyani.
“Bhibhiliya yi ngu vbindrugedza womi nya vathu” (Mukhedziseyi nya 1 nya Novembro nya 2012, khu Giputukezi)
You May Also Like
SIWUDZISO VA TALAGO GU GIRA
Ginani gihevbulo nya Bhibhiliya?
Mana mihlamulo nya edzi hi girago khidzo gihevbulo nya Bhibhiliya.
