GIHEVBULO 48

Hatha gwadi dzipari

WOMBISA

Hatha gwadi dzipari

Khyadi gu manega ni dzipari gasi hi tsaka nadzo ni gu hi phasa tepo hi tshanganago ni sigaradzo. Ganiolu, Bhibhiliya yi ngu hi gengedza gu khiyo khandri vathu vatshavbo va gu dzipari nya dzadi. Ina ka, u nga hatha kharini dzipari nya dzadi? Dundrugeya khu siwudziso si landreyago.

1. Dzipari dzi nga kuha kharini womi wathu?

Tepo hi yago hi vbedza tepo nyo laphe ni muthu nyo khaguri, gani khomu nya dzi redes sociais mwendro khovbe ni khovbe, vbadugwanavbadugwana ha guya hi mu dzegeleya muthu yoyo. Isoso khyadi, ganiolu khandri sadi gambe. Bhibhiliya kha yi liphi tepo yi gu khiyo: “Wule a gimbilago ni va nya mapimo, a na mana mapimo, aholu wule a gimbilago ni sipumbu [ava va gu mba haladza Jehovha] a na thegedwa khu libango.” (Mavingu 13:20) Dzipari dzi haladzago ni gu thumeya Jehovha dzi nga gu phasa gu simama u tiyisa wupari wago naye ni gu hatha gu gira silo nya sadi. Ganiolu, dzipari dzi gu mba haladza Jehovha dzi nga hi digisa gu mu thumeya. Khigyo gi girago Bhibhiliya yi hi kutsa gu hatha gwadi dzipari! Dzipari dzathu dzo ba dzi haladza Jehovha, hatshavbo hi ngu phasega. Khu kharato, hi ngu ‘tangadzisana, hi bwe hi phasana moyo ni moyo’ wathu. — 1 Vatesalonika 5:11.

2. Jehovha o dzipwa kharini khu dzipari u hathago?

Jehovha a ngu hatha gwadi dzipari dzaye. Uye pari ya “va nya gululama.” (Mavingu 3:32) Jehovha a di hadzi dzipwa kharini ho hatha dzipari dzi gu mba mu haladza? A di hadzi vbisega ngudzu! (Leri Jakobe 4:4.) Ganiolu, ho gimbileya hwindzo ni vathu nyo vivbe hi bwe hi hatha dzipari dzi haladzago Jehovha, uye a na tsaka ngudzu nigu a na hi hatha gasi hi khala dzipari dzaye. — Ndzimo 15:1-4.

GIRA WUGEVISISI NYO ETE

Wona gu khuwe khu ginani si gu sa lisima gu hatha dzipari nya dzadi, u bwe u wona gu khuwe u nga gira kharini gasi u manega ni dzipari dzi na gu phasago.

3. Dzi woneye ni dzipari nya mba dzadi

Vathu va gu mba haladza Nungungulu ni gu mba engisa milayo yaye khandri dzipari nya dzadi. Sistirini VHIDHYU, mu vbedza mu bhula khu giwudziso gi landreyago.

VHIDHYU: Hevbula gu bomba gu oloveyana ni vathu nyo vivbe (6:17)

Hi nga pheya kharini gu dzi tshanganisa ni dzipari nya mba dzadi na hi si si tuguli?

Lerini 1 Vakorinto 15:33, mu vbedza mu bhula khu giwudziso gegi:

Muthu nyo khale kharini u nga hadzi mu wona nga pari nya mba yadi gwago? Khu ginani?

Lerini Ndzimo 119:63, mu vbedza mu bhula khu giwudziso gegi:

Ginani u yedego gu gi khedza tepo u hathago pari?

Handro moyo basi wo ba wu hinide wu nga nyenyezisa eyi yimbe. Dzipari nyo vivbe dzi nga hi kuha kharini?

4. Gasi gu muthu a khala pari yathu kha si hungi gu khiso ari muthu nyo fane ni ethu

Bhibhiliya yi ngu ganeya khu vama vavili va Israyeli wa gale, a gu Jonatane ni Dhavhidhe. Jonatane a diri gyanana gya pfhumu nigu a diri khongolo ngudzu ga Dhavhidhe. Ambari ulolo, avo va diri ni wupari nya wukhongolo ngudzu. Lerini 1 Samuweli 18:1, mu vbedza mu bhula khu giwudziso gegi:

Khu ginani si si hungigo gu dzipari dzathu dziri dza tinga mweyo mwendro giemo nyo fane ni ethu?

Lerini Varoma 1:11, 12, mu vbedza mu bhula khu giwudziso gegi:

Dzipari dzi haladzago Jehovha dzi nga tiyisana kharini?

Sistirini VHIDHYU gasi mu wona edzi lidzaha nyo khaguri li nga mana khidzo dzipari ga wulanga li nga ba li si wu vireyi.

VHIDHYU: Gira dzipari libandlani ambari wa gu wona khatshi si ngu garadza (5:06)

Kha nga hi si wonidego omu nya vhidhyu, khu ginani vavelegi va Júnior va nga ba va garadzega khu dzipari a nga ba ari nadzo xikwatunu?
Khu ginani Júnior a nga hegisa khu gu gira wupari ni madzaha yoyo?
Si kodzide kharini gu pala wutundzu waye?