Ava va ngarigo gu tshadha vo suva gu khavo litsako va li pwidego litshigu va nga tshadha li simama kala gupindruga. Nigu isoso si nga kodzega. Makristo gu vbindrago tepo nyo laphe na ma tshadhide aya ma dzi garadzeyago gu vbanya khu wusingaladzi nya Bhibhiliya, ma ngu dziti gu khayo isoso si ngu kodzega.

1. Wusingalagadzi muni owu Bhibhiliya yi ningago vama?

Jehovha hathide mwama gasi a khala hungo nya ndranga. (Leri Vaefeso 5:23.) Uye o vireya gu khuye satshavbo esi mwama a hungago gu gira, si phasa ndranga yatshavbo. Bhibhiliya yi ngu gengedza vama khiyo: “Enu vama haladzani vagadzi vanu.” (Vaefeso 5:25) So thula ginani isoso? Mwama nya lihaladzo a ngu phara gwadi mwangadzi waye, vo ba vari gaya mwendro vbakari nya vambe vathu. A ngu mu vhikeya a bwe a gira satshavbo si gomogo tshivbani gwaye gasi gu mu sayisa khu nyamani ni gu khathaleya gudzipwa gwaye. (1 Thimoti 5:8) Nya lisima ga satshavbo, a ngu mu phasa gu tiyisa wupari waye ni Jehovha. (Matewu 4:4) Khu giyeyedzo, a nga gombeya a bwe a leri Bhibhiliya ni mwangadzi waye. Mwama o sayisa mwangadzi waye khu ndziya nya lihaladzo, o tiyisa wupari waye Jehovha. — Leri 1 Pedro 3:7.

2. Wusingaladzi muni owu Bhibhiliya yi ningago vagadzi?

Lito la Nungungulu lari khilo mwangadzi gu vbwetega a ‘ninge githawo mwama waye.’ (Vaefeso 5:33) A nga si gira kharini isoso? Khu gu a ninga lisima makhalelo nya yadi ya mwama waye ni edzi a dzi garadzago khidzo gasi gu khathaleya uye sanana sawe. A nga mu yeyedza githawo gambe khu gu seketeya esi a hungago gu gira ni gu ganeya naye khu ndziya nya githawo, ambari o ba a siri Mukristo.

3. Mwama ni ngadzi va nga tiyisa kharini lipango lawe?

Na yi gu ganeya khava va tshadhidego, Bhibhiliya yari khiyo: “Va vavili va [na] khala nyama mweyo.” (Matewu 19:5) Isoso so thula gu khiso moyo ni moyo wawe a yede gu gira satshavbo a si kodzago gasi lihaladzo lawe li si dzidziyi. Avo vo gira isoso khu gu dzi ninga tepo nyo manege vatshavbo ni gu bhula na va tshulegide khedzi va dzi pwago khidzo. Vbavbandze ga Jehovha, mwalo mumbe muthu mwendro gimbe gilo gi gu na ni lisima ngudzu gwawe guvbindra mwama mwendro mwangadzi waye. Avo va ngu dzi woneya ngudzu gasi va si dogoreyi mumbe muthu.

 GIRA WUGEVISISI NYO ETE

4. Mwama a yede gu haladza ni gu sayisa mwangadzi waye

5. Mwangadzi a yede gu haladza ni gu ninga githawo mwama waye

Bhibhiliya yo kutsa mwangadzi gu ninga githawo mwama waye, gani Mukristo mwendro ne. Lerini 1 Pedro 3:1, 2, mu vbedza mu bhula khu siwudziso sesi:

• Abari gu mwama kha thumeyi Jehovha, kha hi kanakani gu khethu wo vbweta gu khuwe a mu thumeya. Wo si wona kharini, khu yevbini ndziya nya yadi nyo mu phase khiyo: gu khaleya gu mu tshumayela mwendro gu mu yeyedza makhalelo nya yadi ni gu mu ninga githawo? Khu ginani?

Mwama ni ngadzi va nga si kodza gu hunga gumogo esi va vbwetago gu gira. Ganiolu, ga dzimbe dzitepo si nga gira mwangadzi a si dzumeleyani ni mwama waye. Lisine gu a nga dusa mawonelo yaye, ganiolu gu vbwetega a ganeya khu ndziya nya yadi ni githawo, na gu dundruga gu khuye Jehovha ningide mwama thumo nyo  hunge gu khuye ginani gi na phasago ndranga. Gu vbwetega a gira satshavbo a si kodzago gasi gu seketeya esi a si hungidego. Mwangadzi o gira isoso, a na ba a gira gipandre gyaye gasi ndranga yi tsaka. Lerini 1 Pedro 3:3-5, mu vbedza mu bhula khu giwudziso gegi:

• Jehovha o dzipwa kharini tepo vagadzi va ningago githawo vagadzi vawe?

6. U nga si kodza gu pala sigaradzo pangoni gwago

 REZUMO

Mwama ni ngadzi va nga tsaka vo haladzana, va ningana githawo ni gu thumisa matshina nya milayo nya Bhibhiliya.

Siwudziso nyo wusedze

• Ginani egi mwama a nga girago gasi gu ndranga yaye yi tsaka?

• Ginani egi mwangadzi a nga girago gasi gu ndranga yi tsaka?

• Wo ba u tshadhide, khu levbini litshina nya nayo u wonago gu khuwe li di hadzi tiyisa ndranga yago?