NDZIMO 136
‘Tshatshazelo nya wukhongolo’ wu tago khu ga Jehovha
(Rute 2:12)
-
1. Jehovha a nguti sithumi saye
Si tumbegidego gwaye.
A ngu dziti khuye dzimbe dzitepo
Si ngu tshuka si garadza,
Gu diga dzipari, valongo, ndranga,
Ganiolu a ngu phasa,
Khu gu thumisa vandriyathu navo
Ni situmbiso si tago.
(KORU)
Jehovha a na gu tshatshazeya,
A gu siha mambapini gwaye;
U mana wumindru nya wadi.
Uye tumbegide; gima kha liphi.
-
2. Guvbanya gu ngu tshuka gu lemeya,
Hi tandra ni gu dagata;
Sigaradzo nya litshigu ni tshigu
Si garadza gu si rwala.
Nungungulu muthaveleyi wathu
A ngu si wona satshavbo,
A hi thaveleya khu Lito laye
Ni dzipari nya lisine.
(KORU)
Jehovha a na gu tshatshazeya,
A gu siha mambapini gwaye;
U mana wumindru nya wadi.
Uye tumbegide; gima kha liphi.
(Wona Val. 11:38-40; Isa. 41:10.)