NDZIMO 97
Lito la Nungungulu li ngu hi phasa guvbanyani
-
1. Muthu kha yeli gu vbanya
Khu guhodza basi.
Gu vbwetega hi engisa
Lito la Jehovha,
Gasi hi kodza gu mana
Wumindru nya wadi.
(KORU)
Engisa Lito la Pfhumu,
U na vbanya gwadi.
Muthu kha yeli gu vbanya
Khu guhodza basi.
-
2. Bhibhiliya yo ganeya
Khu vathu va gale
Va nga yeyedza gukhodwa,
Ni gutiya-hwambo.
Ha gu leri Bhibhiliya
Ho tiyiswa nethu.
(KORU)
Engisa Lito la Pfhumu,
U na vbanya gwadi.
Muthu kha yeli gu vbanya
Khu guhodza basi.
-
3. Tshigu ni tshigu gu gyago,
Leri Bhibhiliya,
Vegedza monyoni gwago
Esi u lerigo.
Iso si na hi tiyisa
Tepo hi lingwago.
(KORU)
Engisa Lito la Pfhumu,
U na vbanya gwadi.
Muthu kha yeli gu vbanya
Khu guhodza basi.
(Wona Jos. 1:8; Rom. 15:4.)
