Mafu nya maphya aya, ma vbohide!
Tshisa:
1. U womo bambe nya tsongo,
Sinyoni na si emba,
Nu wona mapfhi nyo mbure,
Lihani na li wenengedza,
Nu gu hakha sigodwa
Nga khatshi wa gu lora.
Paradhesi mafuni,
Ey’ avba, yi vbohide.
2. Sigomoni gu ngu vbahwa
Ni bambe nya mitsongo.
Ngapwa ligwaha nya tsongo
Tepo mati ma khulungago,
Mathembwe ma fumide,
Hongoleni hi vbwera.
Mafu hi nga ma liya
Ay’ avba, ma vbohide.
(GUVBINDRUGEDZA)
Ha gu tsaka ni dzipari
Khu satshavbo nyo tsakise.
Sigaradzo ni guliya
Si vbindride; Mafu maphya.
3. . Ngapwa mahego nya vathu
Gunungeya nya senge,
Nu hoyozeya dzipari,
Mu pheya litshigu nya liphya.
Hi ngu mu bonga Jehovha
Khu lihaladzo laye.
Makategwa yatshavbo
Ay’ avba, ma vbohide.
(GUVBINDRUGEDZA)
Gale na nyi gu dileya
Gu bwe nyi gu wona gambe,
Muhuno u womo avba,
Khandri nyo lora, lisine.
4. Nyo vireya ayo
Khu maho nyo fuviye.
Gitumbiso gya Jehovha.
Khu lisine si na girega.
Monyo wangu wo tangala
Nyo dundrugeya khayo.
Makategwa ma tago,
Nya mba hweya ma na vboha.