Ina. Hi ngu khodwa ga Jesu, oyu a nga khuye: “Eni kheni ndzila, ni lisine, ni guvbanya. Mwalo a vbohago ga Babe nyamba yiswa kheni.” (Johane 14:6) Hi ngu khodwa gu khethu Jesu dzude khu ndzadzini ata mafuni, hi bwe hi khodwa gu khethu ningede womi waye nyo vbeleye kha nga muphaso nya gudzegiswe. (Matewu 20:28) Gufa gwaye ni guwuswa gwaye si tude ndziya nya gu ava va khodwago gwaye va mana womi nya gupindruge. (Johane 3:16) Hi ngu khodwa gambe gu khethu olu Jesu a gu fuma kha nga Pfhumu nya Mufumo wa Nungungulu, owu nugunugu wu na resago gurula mafuni gwatshavbo. (Gutuledwa 11:15) Ambari ulolo, hi ngu khodwa ga malito yaya ma nga ganedwa khuye Jesu: “Babe khongolo gu nyi vbindra.” (Johane 14:28) Khu gighelo gyogyo kha hi khozeyi Jesu, nigu kha hi mu woni kha nga Nungungulu nya Tshivba Yatshavbo.