Peepe. Bakamboni baJehova tabakaki pe kuyaswa nsunda iitabilila malwazi. Pesi muKristu umwi awumwi ulalisalila munkani eeyi. Bakamboni baJehova biingi nga basala kuyaswa nsunda.

 Tuyanduula busilisi busumpukide alubo tuzibona kaziyandikana loko zintu zilikuchitwa aabazyabusilisi zili atala akuchesya kutabukila kwamalwazi aajeya. Tulabalumba boonse bapati-pati bazyabusilisi akaambo kakubeleka changuzu nkubachita, kapati chiindi nikwaba malwazi aatabukila.

 Bakamboni baJehova balaatobelezya malayilile aambwa aabalupati-pati bazyabusilisi. Muchikozyano, kuzwa nikwakasaanguna bulwazi bwakkorona, Bakamboni baJehova balikuzumanana kupupulula nchenjezyo mumilaka myiingi loko aawebbusayiti eeyi alubo balikusungwaazya bantu kuti batobelezye malayilile aakulikwabilila aabikkidwe kumasena nkubakkala. Malayilile aaya aswaanizya kutantamukana, kutachita miswaangano kababungene aamwi, kubikka bantu balaabulwazi naakuti bayeeyelwa kuti balaabo kwabo abalikke (quarantining), kusamba kumaboko akuzwaata mamasikki naakuti kutobelezya imwi milawu iibikkidwe kweendelana ankutukkala.—Baroma 13:1, 2.

 Kuzwa chiindi, mabbuku amavidiyo aaBakamboni baJehova asimya twaambo tutobela:

•   Nkani yazyabusilisi njakulisalila.—Bagalatiya 6:5.

   “[Magazini eeyi] tayiwambuli atala akuti bumwi busilisi bulikabotu pe kwiinda bumwi alubo tayikwe malayilile aazyabusilisi pe. Makanze aamagazini eeyi ngakutondeezya twaambo twachoonzyo alubo zisyaalila kuli sikubala kuti alisalile nzyayanda.”—Amubuke! yaChikuwa, February 8, 1987.

   “Nkani yakuti iwe abamumpuli yako muyaswe nsunda yakulitabilila naakuti pe zisyaalila kulinduwe.”—Amubuke! yaChikuwa, August 22, 1965.

•   Nga twayanduula busilisi akaambo kakuti tububona kabuyandikana loko buumi.—Milimo 17:28.

   “Bakamboni baJehova nga bayinka kuyooyanduula busilisi kuti bachiswa. Balabulemeka buumi alubo baleezya anzila zyoonse kuti basilikwe pesi basala busilisi bweendelana aaMagwalo.—Ngaziyakulinda yaChikuwa, July 1, 1975.

   “Bakamboni baJehova tabakaki pe kusilikwa. Bayanda kupona buumi bulikabotu akuti bapone kwachiindi chilamfu. Alubo, bamwi Bakamboni baJehova mbasilisi mbuli Lukka wamuBbayibbele. . . . Bakamboni baJehova balabalumba aabo balipeda kugwasya bantu munkani zyabusilisi. Alubo balabalumba bantu boonse banga bagwasilizya mukubasilika.”—Ngaziyakulinda yaChikuwa, February 1, 2011.