Bantu bakali babbabbatizigwa akuba Bakamboni baJehova pesi lino batachikambawuki naakuti batachiliswaanizyi aaBakamboni tabatantamukwi pe. Pesi tuleezya kubagwasya kuti babe aachiyandisyo lubo chakukomba.

 Kuti muntu wachita chibi chipati, tatufwambaanini kumugwisya pe mumbungano. Pesi kuti Kamboni uubbabbatizidwe wabaachiimbo chakutyola milawu yamuBbayibbele yakulijata alubo katayandi kuchincha, muntu ooyo ulatantamuka naakuti kugwisigwa mumbungano. Bbayibbele lyaamba kuti: “Amumugusye muntu ooyo mubi akati kanu.”—1 Bakorinto 5:13.

 Kuchitwa biyeni kuti mwaalumi wagwisigwa mumbungano mpawo mwanakazaakwe abana bakwe kabachili Bakamboni baJehova? Tabachinoolikwe chakuchita pe azyabukombi pesi bachinookkalaamwi ampuli yakwe. Balazumanana alukwatano lwabo akutondeezyania luyando mumpuli.

 Bantu bakagwisigwa mumbungano balakonzya kunjila miswaangano yesu. Kuti kabayanda, balakonzya kukumbila lugwasyo kubaalu bamumbungano. Makanze aakuchita eezi, ngakuyanda kugwasya mbantu aabo kuti babe Bakamboni baJehova lubo. Bantu bakagwisigwa mumbungano kuti basiya michito yabo iitali kabotu mpawo baba aachiyandisyo lubo chakupona kweendelana azyeelelo zyamuBbayibbele balatambulwa amaboko aabili kuti babe Bakamboni baJehova lubo.