Mbunga ya Watch Tower Bible and Tract Society of Pennsylvania nimbunga itabelekeli kujana profiti, yakasaangunwa mu 1884 kwiinda mukutobela milawu ya Commonwealth of Pennsylvania, U.S.A. Ibelesegwa aBakamboni baJehova kusumpula mulimu wabo wamunyika yoonse, ooyo uswaanizya kupupulula maBbayibbili amabbuku amwi aambuula atala azyamuBbayibbili.

 Kweendelana abbuku lyaamba atala amakanze aambunga eeyi, makanze aayo aswaanizya “bukombi, kuyiisya alubo amilimu yakugwasya bantu, kapati kukambawuka alubo akuyiisya mulumbe waBwaami bwaLeza ansi abweendelezi bwaKkristu Jesu.” Kuti muntu abe mumbunga eeyi, takulangwi kuti usanga mali nyiingi biyeni, pesi kwiinda mukutambwa. Bantu bali mumbunga eeyi abeendelezi, bagwasilizya bamu Kabunga Keendelezya kaBakamboni baJehova.

 Kunze aambunga ya Watch Tower Bible and Tract Society of Pennsylvania, Bakamboni baJehovah babelesya mbunga ziingi zili mumulawu munyika zisiyene-siyene. Aakati kambunga eezi, mumazinaazyo alaamabala aali mbuli aakuti “Watch Tower,” “Watchtower,” naakuti busanduluzi bwamazina aaya.

 Kuzwa nizyakatalisigwa, mbunga eezi zyatugwasya kuchita mulimu mupati mbuli:

•   Kulemba akupupulula. Twakapupulula maBbayibbili aayinda ku 220 miliyoni amabbuku amwi apandulula Bbayibbili aayinda ku 40 bbiliyoni. Mabbuku eesu alajanika mumilaka yiinda ku 900. Webbusayiti yesu ya jw.org ipa kuti bantu bakonzye kubala Bbayibbili aa-intaneti mumilaka yiinda ku 160 kabatabbadali pe alubo balikujana nsandulo zyamibuzyo ili mbuli yakuti, “Bwaami bwaLeza niinzi?”

•   Lwiiyo. Tulaazikolo zyiingi ziyiisya Bbayibbili. Muchikozyano, kuzwa mu 1943, Bakamboni baJehova basika ku 9,000 bakagwasikana loko alwiiyo ndubakajana kuchikolo chaBbayibbili chaGiliyadi, zibagwasya kuti bakonzye kubeleka kabali mamishinali naakuti bakonzye kusimya akuyungizya mulimu wesu wamunyika yoonse. Alubo mviki amviki, mamiliyoni abantu, kuswaanizya abatali Bakamboni, balikuyiisigwa amiswaangano yesu mumbungano zisiyene-siyene. Kuyungizya waawo, tulaazikolo zyakuyiisya kubala akulemba alubo twakapupulula bbuku lijanika mumilaka iili 120 ligwasya bantu kwiiya kubala akulemba.

•   Lugwasyo. Twakagwasya bantu bali mumapenzi kwiinda mukubapa ziyandikana, nikuba kuti mapenzi aayo ayetwa aabantu naakuti mapenzi aalichitikila, mbuli penzi lyakujayana lyakachitika mu 1994 muRwanda naakuti muzuzumo wanyika wakachitika mu 2010 kuHaiti.

 Nikuba kuti twachita zintu ziingi katubelesya mbunga eezi, pesi mulimu wesu tuuyeeme aambunga eezi. MuKkristu umwi awumwi ulaamulimu uumugeme wakuzuzikizya mulawu uzwa kuli Leza wakukambawuka akuyiisya makani mabotu. (Mateyo 24:14; 28:19, 20) Tulachoonzyo kuti Leza ulikutugwasilizya mumulimu wesu alubo akuti ulazumanana kupa kuti mulimu ooyu ‘ukomene.’—1 Bakkorinte 3:6, 7.