•  Majwi Aantalisyo 2

•  Lubono Luzwa muJwi lyaLeza 3-5

  •  Nkani 3

  •  Kuyanduula Lubono muJwi lyaLeza 4

  •  Kubala Bbayibbili 5

•  Lipede Kumulimu Wakukambawuka 6-14

  •  Kusaanguna Kwaambuuzyania Aabantu 7

  •  Kubweedela 8

  •  Kugwasya Bantu Kuti Babe Basikwiiya 9

  •  Kupandulula Zintu Nzusyoma 10

  •  Nkani 11

  •  Malayilile 12

  •  Nzila Zyakukambawuka 13

  •  Kubelesya Mavidiyo Amabbuku 14

•  Buumi BwamaKristu 15-16

•  Chiiyo chaBbayibbili Chambungano 16

•  Makani Aakumaninsya 17

•  Kulumba aLulayo 18

•  Chiindi 19

•  Kuswaya kwaMulangizi waBbazu 20

•  Mviki yaMuswaangano waBbooma Naakuti waBbazu 21

•  Mviki yaChiyubulusyo 22

•  Mulangizi waMuswaangano waBuumi Amulimu Wesu 23

•  Sichuuno waMuswaangano waBuumi Amulimu Wesu 24

•  Sikupa Lulayo Uugwasilizya 25

•  Makkilasi Aamwi 26

•  Mavidiyo 27

1. Malayilile aaya agwasya aabo bali aazipanzi kuMuswaangano waBuumi Bwesu BwachiKristu Amulimu Wesu. Bali aazipanzi beelede kulanga-langa malayilile aayendelana azipanzi nzibapedwe mbuli mbukutondeezedwe muKabbuku kaMuswaangano waBuumi Bwesu BwachiKristu Amulimu Wesu amukapepa aaka kamalayilile kabatanasaanguna kulibambila zipanzi zyabo. Basikupupulula boonse balatambwa kuti batole lubazu muchipanzi eechi. Bamwi banjila miswaangano chiindi choonse balakonzya kulembesya kuti batole lubazu kuti kabazuminana anjiisyo zyamuBbayibbili akuti kabapona kweendelana anzizyo. Mulangizi waMuswaangano waBuumi Amulimu Wesu weelede kulanga-langa malayilile aaya amuntu ulaachiyandisyo chakupa nkani pesi utanaba sikupupulula alubo kuti muntu ooyo keelela, Mulangizi waMuswaangano waBuumi Amulimu Wesu weelede kumubuzya. Ulakonzya kuzichita eezi kalaamwi amuntu uyiisya muntu ooyo Bbayibbili (naakuti kakuli muzyali Kamboni). Malayilile aaya alikozyenie aamuntu uuyanda kubasikupupulula uutanabbabbatizigwa.—od chaand. 8 p. 8.

2. 1 mineti. Mumviki imwi ayimwi, nilwamana lwiimbo lwakujula ankombyo, Sichuuno waMuswaangano waBuumi Amulimu Wesu uyoowamba ziyooyiigwa. Sichuuno weelede kubikkila maanu kutwaambo tukonzya kugwasya baswiilizi.

 3. Nkani: 10 minesi. Mutwe wankani atwaambo tupati tubili naakuti tutatu tuyandika tulajanika muKabbuku Kamuswaangano waBuumi Amulimu Wesu. Nkani eeyi iiyoopegwa amwaalu naakuti mubelesi wambungano weelela. Kuti kamusaanguna kubala bbuku lyaBbayibbili pya mukubalwa kwaBbayibbili kwamviki amviki, kavidiyo kantalisyo kayooyebelwa kuti kapandulule mubufwiifwi makani alaatala abbuku eelyo. Sichuuno uyoowamba mbukeendelana kavidiyo amutwe. Kunze lyaboobo, weelede kuba achoonzyo chakuti waamba makani aayandikana aatondeezedwe muKabbuku Kamuswaangano. Alubo, kuti chiindi kachizumina weelede kubelesya zifanikisyo, makani aali mukabbuku kamuswaangano aamwi makani aajanika mulaamwi mabbuku aayendelana aankani eeyo kuchitila kuti nkani iliikwaambwa imvwisisike.

 4. Kuyanduula Lubono muJwi lyaLeza: 10 minesi. Chipanzi eechi mubuzyo ansandulo, tachikwe majwi aantalisyo aamamanino. Chichitwa amwaalu naakuti mubelesi wambungano weelela. Sikuchitisya chiiyo eechi, weelede kubuzya baswiilizi mibuzyo yoonse. Alubo zili kuli nguwe kusala mavesi aakonzya kubalwa. Aabo bapegwa mweenya wakusandula beelede kupa nsandulo zyabo mumasekkoondi aali 30 naa kutasikaawo.

 5. Kubala Bbayibbili: 4 minesi. Chipanzi eechi cheelede kuchitwa amuntu wachaalumi. Sikubala tayelede kwaamba mpayanda kubala ampaagolela kubala. Sichuuno wamuswaangano weelede kugwasya sikubala kuti abale majwi alingawo, munzila imvwisisika, kugwisya twaambo tupati, kubala ajwi lilikabotu, kuyimikila ayelede akubala ajwi lyakwe. Akaambo kakuti zimwi zipanzi zyakubala Bbayibbili zili aamavesi mafwiifwi naakuti malamfu, mulangizi wachikolo chaBuumi aMulimu weelede kubikkila maanu chiindi nalikusala muntu weelede kubala Bbayibbili.

6. 15 minesi. Chipanzi eechi chamuswaangano chibambilidwe kugwasya akupa bantu boonse mweenya wakuti bayiile mulimu wakukambawuka akuti bayungizye nzila njibaambulaayo abantu chiindi nibakambawuka akuyiisya. Ambabo baalu nga bapegwa zipanzi zyabasichikolo. Sichikolo uumwi awumwi ulakonzya kulibambila nkani yakwe kalokulanga makani aajanika mukabbuku kaKuyiisya naakuti kabbuku kategwa Yanda Bantu kajisi makani ampayelede kubelekela. Chimwi chiindi, nga kuli nkani yakwaambuuzyania. Chipanzi eechi, cheelede kuchitwa aamwaalu naakuti mubelesi wambungano weelela.—Langa  fuka 15 litondeezya mbuzyeelede kupegwa zipanzi zyakwaambuuzyania.

 7. Kusaanguna Kwaambuuzyania Abantu: Chipanzi eechi chilakonzya kuchitwa amuntu wachaalumi naakuti wachanakazi. Kuti kachichitwa amwanakazi, mugwasilizi weelede kuba mwanakazi kuti mugwasilizi kali mwaalumi weelede kuba wamumpuli. Sichikolo amugwasilizi balakonzya kukkala naa kwiimikila.—Kuti ujane amwi malayilile alaatala nkani eeyi ambiyeelede kupegwa langa makani aali  fuka 12 a  13.

 8. Kubweedela: Chipanzi eechi chilakonzya kuchitwa amuntu wachaalumi naakuti wachanakazi. Kuti kachichitwa amwanakazi, mugwasilizi weelede kuba mwanakazi mpawo kuti kachichitwa amwaalumi mugwasilizi weelede kuba mwaalumi. (km-CG 5/97 p. 2) Sichikolo amugwasilizi balakonzya kukkala naa kwiimikila. Sichikolo weelede kutondeezya nzyatakachite aakubweedela muntu.—Kuti ujane amwi malayilile alaatala nkani eeyi ambiyeelede kupegwa langa makani aali  fuka 12 a  13

 9. Kugwasya Bantu Kuti Babe Basikwiiya: Chipanzi eechi chilakonzya kuchitwa amuntu wachaalumi naakuti wachanakazi. Kuti kachichitwa amwanakazi, mugwasilizi weelede kuba mwanakazi mpawo kuti kachichitwa amwaalumi mugwasilizi weelede kuba mwaalumi. (km-CG 5/97 p. 2) Sichikolo amugwasilizi balakonzya kukkala naa kwiimikila. Chipanzi eechi cheelede kutondeezya chiiyo chaBbayibbili chakasaanguna kale. Chipanzi eechi tachikwe ndaba aantalisyo nikuba majwi aakumanisya kunze kwakuti uupedwe nkani kabelekela kuba aantalisyo naakuti mamanino alikabotu. Tazyaambi kuti mafuka oonse ayelede kubalwa, nikuba kuti bamwi balakonzya kusala kwaabala.

 10. Kupandulula Zintu Nzusyoma: Kuti kayili nkani, sikupa nkani weelede kuba muntu wachaalumi. Kuti kachili chitondeezyo chilakonzya kupegwa amuntu wachaalumi naakuti wachanakazi. Kuti kachichitwa amwanakazi, mugwasilizi weelede kuba mwanakazi kuti mugwasilizi kali mwaalumi weelede kuba wamumpuli. Sikupa nkani weelede kwaambuula munzila iimvwisisika alubo munzila yabupampu chiindi nali kupandulula mutwe wamakani naakuti mubuzyo kweendelana amakani ngapedwe. Sikupa nkani ulakonzya kusala kwaamba mpajana makani ngaali kwaamba naakuti kutaamba chiindi nali kupa nkani.

 11. Talk: Nkani: Chipanzi eechi cheelede kupegwa amuntu wachaalumi alubo cheelede kupegwa mbuli nkani. Kuti nkani kiizwa mumakani akuyungizya A akabbuku kategwa Yanda Bantu, sikupa nkani weelede kutondeezya mbayelede kubelesya magwalo mumulimu wakukambawuka. Muchikozyano, ulakonzya kupandulula kuti ndiilili mputukonzya kubelesya lugwalo oolo, kuti lwaambaanzi akuti kujana lwabelesegwa biyeni kugwasya muntu. Kuti nkani kiyeeme akaambo kazwa muli chimwi chazyiiyo zili mukabbuku kaYanda Bantu, sikupa nkani weelede kubikkila maanu kuti kaambo aaka kabeleka biyeni mumulimu wakukambawuka. Ulakonzya kubelesya chikozyano chili mufuka 1 muchiiyo eecho, naakuti ulakonzya kubelesya magwalo akuyungizya aali muchiiyo eecho.

   12. Malayilile: Makani ajanika mufuka lino amufuka litobela abeleka muchipanzi chiti “Kusaanguna Kwaambuuzyania Abantu” achipanzi chiti “Kubweedela”. Kunze kwakuti kwapegwa aambi malayilile, makanze asikupa nkani ngakwaabila kasimpe kamvwisisika kamuBbayibbili kayeendelana amuntu ngwali kwaambuulaawe alubo kuti asiye mweenya wakuti azoowaambuzyanie aawe lubo muchiindi chiza. Sikupa nkani weelede kusala mutwe wamakani weendelana achiindi ankubakkala. Ulakonzya kusala kupa muntu bbuku naakuti pe, alubo ulakonzya kubelesya nakutabelesya mavidiyo aali muZibelesyo Nzitubelesya Kwiisya Bantu. Kwiinda kuti aape chitondeezyo nchajayide, sikupa nkani weelede kuyiila nzila zyakwaambuula abantu zili mbuli kutondeezya chiyandisyo akwaambuula mbuli mbutwaambuula chiindi choonse.

   13. Nzila Zyakukambawuka: Sikupa nkani weelede kwiipa munzila iyeendelana ankwakkala. Muchikozyano:

1.  (1) Kukambawuka Ng’anda Ang’anda: Eezi ziswaanizya kukambawuka n’ganda an’ganda—kuli abamwi basikupupulula, katubelesya foni, naakuti kulemba lugwalo—alubo kubweedela muntu wakatondeezya chiyandisyo ngutwakajana mubukambawusi bwan’ganda an’ganda.

2.  (2) Kukambawuka Kutalibambilide: Eezi zyaamba kubweza mweenya wakukambawuka kuzwa mukuzuwa awumwi muntu. Ziswaanizya kwaabana muzeezo wamuMagwalo ababo mbuswaananaabo kumulimu, kuchikolo, nkuzwa, chiindi nuli mubbaasi, naakuti nuchita milimu yabuzuba abuzuba.

3.  (3) Bukambawusi Bwantanganana: Eezi zilakonzya kuswaanizya kukambawuka katubelesya kangolo naakuti kufumbwa ndawu zijanika bantu mbuli kuzintoolo, mumigwagwa, naakuti, mundawu zyakulyookezezya.

 14. Kubelesya Mavidiyo aMabbuku: Kweendelana azyiimo, sikupa nkani ulakonzya kusala kubelesya vidiyo naakuti bbuku. Ikuti nkani kiswaanisya vidiyo naakuti sikupa nkani wasala kubelesya vidiyo, weelede kupa kantomozyo kavidiyo akwaambuuzyania atala njiyo pesi tabeelede kwiiyebela.

15. Lwamana lwiimbo, chipanzi eechi chamaminiti aali 15 chili achipanzi chimwi naakuti zibili zibambilidwe kugwasya baswiilizi kuti babelesye nzibajana mujwi lyaLeza. Zipanzi eezi zyeelede kuchitwa abaalu naakuti babelesi bambungano beelela, kunze kwakuti kwapegwa aambi malayilile. Pesi ziyandikana zyambungano zyeelede kupegwa amwaalu. Kuti kakuli chimwi chipanzi chakwaambuuzyania, mukwesu ulikuzulwida chipanzi eechi ulakonzya kubuzya mibuzyo akubelesya mibuzyo yakuyungizya muchiiyo eecho choonse. Weelede kufwiinsya makani aakwe antalisyo kuchitila kuti chiindi chiingi chibe chakusimya twaambo tuyandikana achakwaambuuzyania. Kuti kakuyandikana kubuzya-buzya, ooyo wasalwa kuzichita weelede kuchita oobo kali kunembo.

  16. Chiiyo chaBbayibbili chaMbungano: 30 minesi. Chipanzi eechi cheelede kuchitwa amwaalu uuyiisya kabotu. (Kuti baalu kabali bache, babelesi bambungano bayiisya kabotu balakonzya kuchichitisya.) Kabunga kabaalu kalakonzya kusala akubona kuti mbaani beelela kuchitisya Chiiyo chaBbayibbili Chambungano. Aabo basalwa beelede kuchitisya kabotu alubo tabeelede kulya chiindi pe, beelede kubona kuti magwalo alaamakani mapati apandululwa kabotu, mpawo akugwasya bantu boonse kuti babone mbuzigwasya zilookuyiisigwa. Aabo basalwa balakonzya kujana lugwasyo kuzwa mukulanga-langa makani akapupululwa aali atala kuchitisya chipanzi chamubuzyo ansandulo. (w23.04 p. 24, bbokesi) Kuti chiiyo chachitisigwa munzila iilikabotu alubo baswiilizi kabalikugwisya twaambo tupati, takuyandikani pe kuti sikuchitisya ayanduule amwi makani aakuyungizya. Kuti kazikonzeka, basikuchitisya abasikubala basiyene-siyene balakonzya kubelesegwa mviki imwi ayimwi. Kuti sichuuno waMuswaangano Amulimu Wesu walayilila kuti chiiyo chifwiinsigwe, sikuchitisya uyoobona kuti uyoochifwiinsya biyeni. Ulakonzya kusala kuti mafuka amwi atabaligwi.

17. 3 minesi. Sichuuno waMuswaangano Amulimu Wesu uyooyindulula twaambo tugwasya twayiigwa aamuswaangano. Alubo uyoowamba mubufwiifwi ziyooyiigwa mviki iitobela. Ulakonzya kwaambilizya mazina abaabo bali aazipanzi mumviki iitobela kuti chiindi kachichiliwo. Mumakani aakumaninsya, sichuuno weelede kupa zizibisyo akubalila mbungano magwalo, kunze kwakuti kakulaamwi malayilile. Zizibisyo zyachiindi choonse mbuuli mabambe aakukambawuka, mapulogilamu akusalazya, tazyeelede kwaambilizigwa aapulatifomu pesi zyeelede kubikkwa aabboodi lyazizibisyo. Kuti zizibisyo kazitakonzyi kwaambilizigwa amagwalo katakonzyi kubalwa muchiindi chamajwi aakumaninsya chipedwe, sichuuno weelede kubuzya bakwesu bali ankani muchipanzi chaBuumi BwamaKristu kuti bafwiinsye zipanzi zyabo. (Langa  fuka 16 a  19.) Muswaangano uyoomana aalwiimbo ankombyo.

18. Kumamanino achipanzi chimwi achimwi chasichikolo, Sichuuno waMuswaangano Amulimu Wesu ulaachiindi chikkwana miniti chakulumba akupa sichikolo lulayo kweendelana achiiyo nchabelekela. Sichuuno natamba sichikolo kuzoopa chitondeezyo taayelede kwaamba chiiyo nchabelekela. Pesi chiindi sichikolo namaninsya, sichuuno weelede kumulumba, akwaamba chiiyo nchali kubelekela akutondeezya kuti nkamboonzi nachita kabotu kuchiiyo eecho akupandulula kabotu kuti nkamboonzi nayelede kubikkila maanu kuchiiyo eecho akuti nga ulazichita biyeni. Sichuuno ulakonzya kwaamba zimwi zibotu nzyaabona kuti kazikonzya kumugwasya sichikolo abaswiilizi. Sichikolo ulakonzya kupegwa lulayo luzwa mukabbuku kaYanda Bantu, Kuyiisya naakuti bbuku litegwa Ministry School book niwamana muswaangano naa mulichimwi chiindi. Lulayo oolu lulakonzya kaluli lwachiiyo nchapedwe naakuti chimwi chiiyo.—Kuti ujane makani miingi atala amulimu wasichuuno waMuswaangano Amulimu Wesu, amulimu wasikupa lulayo uugwasilizya, langa  fuka 19,  24, a  25.

19. Takwe chipanzi cheelede kwiinzilizya chiindi, nikuba makani aasichuuno waMuswaangano Amulimu Wesu. Nikuba kuti Kabbuku kaMuswaangano waBuumi Amulimu Wesu katondeezya bulamfu bwachipanzi chimwi achimwi, kuti makani oonse aambuulwa munkani tazyaambi kuti sikwaambuula alobonone luzutu, kuti nkani yakwe yafwambaana kumana maminesi katanakkwana. Kuti sichikolo walya chiindi, weelede kupegwa lulayo kabali abalikke asichuuno waMuswaangano Amulimu Wesu naakuti sikupa lulayo uugwasilizya. (Langa  fuka 24 a  25.) Muswaangano woonse, kuswaanizya lwiimbo ankombyo, zyeelede kutola awa iimwi amaminiti aali 45.

20. Kuti mbungano kayili amulangizi wabbazu, miswaangano yeelede kuchitwa mbuli mbukwaambidwe muKabbuku kaMuswaangano waBuumi Amulimu Wesu kunze kwaChiiyo chaBbayibbili chaMbungano chilaansi achipanzi chitii Buumi BwamaKristu. Chiiyo eechi tachikachitwi pe akaambo kankani yamulangizi wabbazu yamaminiti aali 30. Nkani yamulimu kiitanapegwa, sichuuno waMuswaangano waBuumi Amulimu Wesu uyooyindulula mubufwiifwi zyazwakuyiigwa, kwaamba pulogilamu yamviki iitobela, akwaamba zizibisyo ziyandikana, kubala magwalo mpawo uyotamba mulangizi wabbazu kuti azoope nkani yakwe. Yamana nkani yamulimu, mulangizi wabbazu uyoojala muswaangano alwiimbo ndwayanda. Ulakonzya kukumbila umwi mukwesu kuti ajale aankombyo. Mumviki eeyo, takweelede kuba makkilasi aamwi mumulaka uubelesegwa aambungano iili amulangizi wabbazu. Kabunga kalakonzya kuchita muswaangano nikuba kuti mulangizi wabbazu waswaya mbungano iikalangania. Pesi, kalakonzya kuzooswaanana ambungano kuti kazooswiilile nkani yamulimu ipegwa amulangizi wabbazu.

21. Mumviki yamuswaangano wabbooma awabbazu takwe miswaangano iichitwa pe. Mbukunga takunooli miswaangano yambungano, umwi awumwi naakuti mbuli mpuli beelede kubona kuti bayichita miswaangano eeyi.

22. Kuti chiyubulusyo chaba mubuzuba bwamiswaangano, takwe miswaangano yeelede kuchitwa.

23. Mwaalu wasalwa akabunga kabaalu ngunoobeleka kali mulangizi waMuswaangano Amulimu Wesu. Ulaamulimu wakubona kuti miswaangano yeenda munzila ilikabotu na kweendelana amalayilile aaya. Weelede kwaambuuzyania kabotu asikupa lulayo uugwasilizya. Kuti Kabbuku kaMuswaangano waBuumi Amulimu Wesu kaba, mulangizi waMuswaangano Amulimu Wesu weelede kupa basichikolo mpubeelede kubelekela kakuchisyeede myeezi iibili. Eezi ziswaanizya zimwi zipanzi aamuswaangano wakati kamviki akusala sichuuno kuli baabo bakasalwa aakabunga kabaalu alubo eezi zilaswaanizya azipanzi zyabasichikolo. (Langa   fuka  3-16 a  24.) Kuti kali kupa bantu zipanzi zyabasichikilo, weelede kubikkila maanu kuminyaka yamuntu, luzibo alwaangunuko lwakwaambuula ndwalaalo muntu atala ankani eeyo. Weelede kuchita munzila iikozyenie kuti kalikupa bantu zimwi zipanzi zyamiswaangano. Basichikolo beelede kupegwa zyakuchita kakuchisyeede mviki zyiinda zitatu, kakubelesegwa foomu litegwa Zyakuchita aaMuswaangano waBuumi Amulimu Wesu (S-89). Sichuuno waMuswaangano waBuumi Amulimu Wesu weelede kuba aachoonzyo chakuti zipanzi zyoonse zyamiswaangano zyabikkwa aabboodi lyazizibisyo kakuchili chiindi. Mulangizi wakabunga kabaalu ulakonzya kusala umwi mwaalu naakuti mubelesi wambungano kuti amugwasye. Pesi baalu mbabo abalikke beelede kupa bamwi zipanzi zitali zyabasichikolo.

24. Mumviki, mwaalu ulakonzya kubeleka kali sichuuno waMuswaangano waBuumi Amulimu Wesu. (Kuti baalu kabali bache, mubelesi wambungano uuyiisya kabotu ulakonzya kuba sichuuno.) Sichuuno ulaamulimu wakulibambila majwi aantalisyo aakumanisya. Alubo nguwe waamba zipanzi zyamiswaangano, kweendelana akuti nkapati biyeni kabunga kabaalu, ulakonzya kuba azyakuchita amuswaangano kuyungizya mukuba sichuuno kapati zipanzi ziswaanizya kavidiyo kayanda kweebelwa pesi kakatakwe zyakwaambuuzyania zyiingi pe. Majwi aakulumba balaazyakuchita ayelede kuba mache. Kabunga kabaalu kayelede kubona kuti ngwani weelela kuchita chipanzi eechi. Chiindi chiingi baalu beelela mbabo basalwa kuba sichuuno. Kweendelana achiimo chambungano, Mulangizi waMuswaangano Amulimu Wesu ulakonzya kuba sichuuno kwaziindi zyiingi kwiinda bamwi baalu. Kuti mwaalu keelela kuchitisya Chiiyo chaBbayibbili chaMbungano, nkukwaamba kuti uleelela kuba sichuuno. Mubikkile maanu kuti mwaalu uubeleka kali sichuuno, weelede kubagwasya akubalumba munzila yaluyando bali muchikolo alubo akubapa lulayo kuti kakuyandikana. Sichuuno weelede kubona kuti muswaangano wamana muchiindi cheelede. (Langa  fuka 17 a  19.) Sichuuno kuti kayanda alubo kakuli ndawu, imwi microphone ilakonzya kubikkwa aapulatifomu kuti ayibelesye. Eezi zigwasya basikupa nkani kuti chiindi sichuuno nalikubatamba kabanooli balibambila aali imwi microphone. Alubo kuti kayanda, sichuuno ulakonzya kukkala apulatifomu chiindi nikulikubalwa Bbayibbili anikuchitwa chipanzi chitii Lipede Kumulimu Wakukambawuka. Eezi tazimani chiindi.

25. Kuti kazikonzeka, zilikabotu kusala mwaalu ulaaluzibo alubo uuyiisya kabotu kuti abe sikupa lulayo uugwasilizya. Mulimu wasikupa lulayo uugwasilizya ngwakupa lulayo aatakwe bantu, kuti kakuli baalu ababelesi bambungano bayanda kugwasigwa atala ankani nzibapa kuzwa muchipanzi chitii Muswaangano waBuumi Amulimu Wesu, nkani zyabantu boonse, kuchitisya naakuti kubala Ngaziyakulinda, aChiiyo chaBbayibbili chaMbungano. (Langa  fuka 19.) Kuti mumbungano kamuli baalu biingi bayiisya kabotu, baalu basiyene-siyene balakonzya kunoochinchaana munyaka umwi awumwi. Tazyaambi kuti sikupa lulayo uugwasilizya weelede kupa lulayo chiindi choonse mukwesu naapa nkani yakwe.

26. Kaziya kuti mbiingi biyeni basichikolo, mbungano ilakonzya kuba amakkilasi aamwi kuchitila basichikolo. Kkilasi imwi ayimwi yeelede kuba aasikupa lulayo uuyiisya kabotu, kapati mwaalu. Kweendelana azyiimo zyambungano, mubelesi uuyiisya kabotu ulakonzya kuba sikupa lulayo. Kabunga kabaalu kalakonzya kusala kuti ngwani uukonzya kuchita mulimu ooyu akuti banoochinchaana na. Sikupa lulayo weelede kutobelezya malayilile aapandulwidwe  fuka 18. Kuti mbungano kiili amakkilasi aamwi, basichikolo balakumbilwa kuti bayinke kumakkilasi aamwi kuti nichamana chipanzi chitii Kuyanduula Lubono muJwi lyaLeza. Nichamana chitondeezyo chakumamanino, basichikolo beelede kuswaanana lubo ambungano kuti bayinkilile kunembo amiswaangano.

27. Kuli mavidiyo aatanoobelesegwe amuswaangano ooyu. Nkinkaako mavidiyo aaya anoojanika aaJW Library^® app kwiinda mukubelesya zibelesyo zisiyene-siyene.

© 2023 Watch Tower Bible and Tract Society of Pennsylvania

S-38-CGW 11/23