Joshuwa 19:1-51
19 Mpawo chisale* chachibili chakawida musyobo waSimiyoni kweendelana ampuli zyawo. Lukono lwawo lwakali mukati kalukono lwaJuda.
2 Lukono lwawo lwakali kuswaanizya Bberi-shebba aShebba, Molada,
3 Hazari-shuwali, Bbala, Ezemu,
4 Elitoladi, Bbetuli, Homa,
5 Zikkilagi, Bbeti-makkabboti, Hazari-susa,
6 Bbeti-lebbayoti aSharuheni—myuunzi iili 13 atuunzi twayo;
7 Ayini, Rimoni, Eteri a-Ashani—myuunzi iine atuunzi twayo;
8 atuunzi toonse twakazyungulukide myuunzi eeyi kuyoosika kuBbaala-bbera, Rama iili kumusanza. Oolu ndulo lwakali lukono lwamusyobo waSimiyoni kweendelana ampuli zyawo.
9 Lukono lwabana baSimiyoni lwakazwa mulukono lwaJuda, nkaambo chilawu chaJuda chakali chipati loko. Nkinkaako, bana baSimiyoni bakapegwa lukono lwabo kuzwa mulukono lwaJuda.
10 Mpawo chisale chachitatu chakawida bana baZebbuloni kweendelana ampuli zyabo, mugaano walukono lwabo wakali kusika kuSaridi.
11 Mugaano wabo wakali kutanta kuya kububbila kuMariyeli waakusika kuDabbesheti mpawo waya kukalonga kunembo lyaJokkineyamu.
12 Alubo wakali kuzwa kuSaridi kawuya kubuzwezuba kumugaano waKkisiloti-tabbori kawuzwa muDabberati mpawo watanta waya kuJafiya.
13 Kuzwa ooko, wakayinkilila kunembo kutozya kubuzwezuba kuGati-heferi mpawo wakaya ku-Eti-kkazini mpawo wakazwa waya kuRimoni waakusika kuNeya.
14 Mpawo mugaano ooyo wakanyona kubbazu lyakunyika kuHanatoni mpawo wakagolela muKkuti* lya-Ifita-yeli,
15 Kkatati, Nahalali, Shimuroni, Idala aBbetelehema—myuunzi iili 12 atuunzi twayo.
16 Oolu ndulo lwakali lukono lwabana baZebbuloni kweendelana ampuli zyabo. Eeyi njiyo yakali myuunzi yabo atuunzi twayo.
17 Chisale chachine chakawida bana ba-Isakkara kweendelana ampuli zyabo.
18 Alubo mugaano wabo wakali kusika kuJezriyeli, Kkesuloti, Shunemu,
19 Hafarayimu, Shiyoni, Anaharati,
20 Rabbiti, Kkishiyoni, Ebbezi,
21 Remeti, Eni-ganimu, Eni-hada aBbeti-pazezi.
22 Alubo mugaano ooyo wakali kusika kuTabbori akuShahazuma akuBbeti-shemeshi, kuugolela kuJodani—myuunzi iili 16 atuunzi twayo.
23 Oolu ndulo lwakali lukono lwamusyobo wa-Isakkara kweendelana ampuli zyabo, myuunzi atuunzi twayo.
24 Mpawo chisale chamusanu chakawida bamusyobo wa-Asha kweendelana ampuli zyabo.
25 Mugaano wabo wakali Helikkati, Hali, Bbeteni, Akkishafu,
26 Alamelekki, Amadi aMishali. Wakali kusika kububbila kuKkameli akuShihori-libbinati.
27 Mpawo wakanyona walanga kubuzwezuba kuBbeti-dagoni waakusika kuZebbuloni muKkuti* lya-Ifita-yeli kubbazu lyakunyika akuBbeti-emekki aNeyiyeli, waakusika kuKkabbuli kubbazu lyakuchimweensi,
28 aku-Ebbironi, Rehobbu, Hamoni aKkana do kuSidoni Muunzi Mupati.
29 Alubo mugaano wakanyona watozya kuRama waakusika kumyuunzi iikwabilidwe yaTire mpawo wakanyona waya kuHosa waakugolela kulwizi muchilawu cha-Akkizibbu,
30 Uma, Afekki aRehobbu—myuunzi iili 22 atuunzi twayo.
31 Oolu ndulo lwakali lukono lwamusyobo wa-Asha, kweendelana ampuli zyawo. Eeyi njiyo yakali myuunzi yabo atuunzi twayo.
32 Chisale chamusanu achimwi chakawida bana baNafutali kweendelana ampuli zyabo.
33 Mugaano wabo wakali kuzwa kuHelefa, kumusamu mupati wakuZaananimu aku-Adami-nekkebbu akuJabbineli kawusika kuLakkumu kawugolela kuJodani.
34 Mugaano ooyo wakanyona waya kububbila ku-Azinoti-tabbori. Wakazwa ooko waya kuHukkokku waakusika kuZebbuloni kubbazu lyakumusanza aku-Asha kububbila, akuJuda kuJodani kuya kubuzwezuba.
35 Myuunzi iikwabilidwe yakali Zidimu, Zeri, Hamati, Rakkati, Kkinereti,
36 Adama, Rama, Hazori,
37 Kkedeshi, Edireyi, Eni-hazori,
38 Yironi, Mididali-yeli, Horemu, Bbeti-anati aBbeti-shemeshi—myuunzi iili 19 atuunzi twayo.
39 Oolu ndulo lwakali lukono lwamusyobo waNafutali kweendelana ampuli zyawo, myuunzi yabo atuunzi twayo.
40 Chisale chamusanu azibili chakawida musyobo waDani kweendelana ampuli zyawo.
41 Mugaano walukono lwabo wakali Zora, Eshitayoli, Iri-shemeshi,
42 Shaalabbini, Ayijaloni, Itila,
43 Eloni, Timina, Ekkironi,
44 Elitekke, Gibbetoni, Bbaalati,
45 Jehudi, Bbene-bberakki, Gati-rimoni,
46 Me-jakkoni aRakkoni amugaano uulangene aaJopa.
47 Pesi chilawu chaDani chakabacheela loko, nkinkaako, bakayinka baakulwana muunzi waLeshemu, bawuzunda bawunyonyoona apanga. Mpawo bakawubweza bakkala mumo, bakachincha zina lyawo lyakuti Leshemu bawiita kuti Dani, zina lyasianyinakulu.
48 Oolu ndulo lwakali lukono lwamusyobo waDani kweendelana ampuli zyawo. Eeyi njiyo yakali myuunzi yabo atuunzi twayo.
49 Mpawo bakamaninsya kwaabanisya nyika yalukono kweendelana azilawu zyayo. Ma-Israyeli bakapa Joshuwa mwana waNuni lukono aakati kabo.
50 Bakamupa muunzi ngwaakakumbide, muunzi waTiminati-sera, uuli muchilawu chili aazilundu cha-Efremu, kweendelana amalayilile aaJehova. Mpawo wakawuyaka wakkala mulinguwo.
51 Oolu nduulukono Eliyezari mupayizi, Joshuwa mwana waNuni abasilutwe bamaanda aamisyobo ya-Israyeli ndubakabaabanisya kuShilo kwiinda mukuuma chisale kunembo lyaJehova kumanjililo aatente lyakuswaanganina. Nkinkaako, bakamaninsya kwaabanisya nyika.
