KuMahebberu 13:1-25
13 Luyando lwanu lwabuzyalwanyokwe alwiinkilile kunembo.
2 Mutalubi kutambula beenzu,* nkaambo mukuchita oobo, bamwi bakatambula ngilozi kabatazi pe.
3 Amukkale kamubayeeya aabo bali mumajele,* mbuli kuti mwaangidwe aamwi ambabo, kuswaanizya abaabo balikujatwa chalunya mbukunga andinywe muli mumubili.*
4 Lukwatano alulemekwe aabantu boonse alubo bulo bwabantu bakwetene abukkale kabusalala, nkaambo Leza uzoobabeteka basibwaamu* abasimamambi.
5 Buumi bwanu butabi bwakuyandisya mali pe, pesi amukkutisikane azintu nzimulaazyo lino. Nkaambo waamba kuti: “Tandizookusiyi pe alubo tandizookulekelezyi pe.”
6 Kuchitila kuti tutayoowi mpawo twaambe kuti: “Jehova* nguwe uundigwasya, tandikooyoowa pe. Muntu kujana wandichitaanzi?”
7 Amubayeeye aabo balikuzulwida aakati kanu, aabo bakaamba jwi lyaLeza kulindinywe, alubo nimuyeeya atala azyakachitika akaambo kakulijata kwabo, amutobelezye lusyomo lwabo.
8 Jesu Kkristu tachinchi pe kuzwa jilo asunu, kusikila kukabe kutamani.
9 Mutapambulwi aanjiisyo zisiyene-siyene zitazibinkene pe, nkaambo zilikabotu kuti moyo usimisigwe aaluzyalo lupati, kwiinda kuti usimisigwe aachakulya,* chitabagwasyi pe aabo bachibona kachiyandikana loko.
10 Tuli aachipayililo aawo aabo babeleka mulimu uusalala mutente mpubatazumizigwi kulida pe.
11 Nkaambo mibili yabanyama bali aaganzi litolwa kundawu iisalala amupayizi mupati kuti libe chipayizyo chazibi, ilatentwa kunze aankambi.
12 Nkinkaako, anguwe Jesu wakapenzegwa kunze aageedi lyamuunzi, kuchitila kuti asalazye bantu aganzi lyakwe.
13 Nkinkaako, atwiinke kulinguwe kunze aankambi katunyampwide masampu ngaakanyampula,
14 nkaambo aano tatukwe muunzi uukkalilila pe, pesi tulikuuyanduula aamoyo woonse ooyo uulikuza.
15 Kwiinda mulinguwe, atukkale katupa Leza chipayizyo chakutembawula, nkukwaamba, michelo yamilomo yesu yaambilizya zina lyakwe aantanganana.
16 Mukuyungizya, mutalubi kuchita zibotu akwaabilana aabamwi zintu nzimulaazyo, nkaambo Leza ulabotelwa azipayizyo zili boobu.
17 Amubaswiilile aabo balikuzulwida aakati kanu, mulibombye kulimbabo, nkaambo balikumulanga mbuli baabo batazoolyaambilile, kuchitila kuti bachite oobo kabakondwa, kutali kuti kabang’ung’una pe, nkaambo eezi zilakonzya kumuchisa.
18 Amwiinkilile kunembo kutukombela, nkaambo tusyoma kuti tuli aamoyo uusyomeka,* mbukunga tuyanda kuti katusyomeka muzintu zyoonse.
19 Pesi nchindimusungwaazya loko nchakuti, mukombe kuchitila kuti ndibweedezegwe kulindinywe chakufwambaana.
20 Lino Leza waluumuno, ooyo wakabusya mweembeli mupati wambelele, Mwaami wesu Jesu kuzwa kubafu, aganzi lyachizuminano chitamani,
21 amupe chintu choonse chibotu kuti muchite kuyanda kwakwe, kabeleka mulindiswe zintu zibotu mumeso aakwe kwiinda muli Jesu Kkristu, kulinguwe akube bulemu kusikila kukabe kutamani. Ameni.
22 Lino bakombima, ndimusungwaazya kuti muswiilile jwi eeli lyakusungwaazya amoyo mulamfu, nkaambo ndamulembela lugwalo lufwiifwi.
23 Ndiyanda kuti muzibe kuti mukombima Timoti waangununwa. Kuti wafwambaana kusika, ndinoolaamwi anguwe nindaza kuzoomubona.
24 Amundijuzizye aabo boonse balikuzulwida aakati kanu abasalali boonse. Aabo bali ku-Itali balikumujuzya.
25 Luzyalo lupati alube aandinywe moonse.
Makani Aamunsi
^ Naakuti, “kubafwida luzyalo bantu mbimutazi.”
^ MuchiGrikki, “baangidwe.”
^ Amwi malembe aati, “mulikupenzegwaamwi ambabo.”
^ Langa Bupanduluzi Bwamabala, “Bwaamu.”
^ Langa Bupanduluzi Bwamabala.
^ Nkukwaamba, “aamilawu iili atala achakulya.”
^ MuchiGrikki, “aamoyo mubotu.” Bbala lyakuti ‘moyo,’ aawa lyaamba kuziba chibotu achibi. Langa Bupanduluzi Bwamabala, “Moyo.”
