Mbaani mbitweelede kutambula? Mbantu boonse banjila miswaangano yesu yachiKristu kuswaanizya abantu basika kumiswaangano yesu kwachiindi chakusaanguna abeenzuma mbitwakajinka chiindi. (Rom 15:7; Heb 13:2) Chimwi chiindi, ulakonzya kali mukwesu uuzwa kuli chimwi chisi naa kuti muKristu wakaleka chiindi kunjila miswaangano. Kujana wamvwa biyeni kuti kuli muchiimo chili boobo? Teewali kunooyanda na kuti bakutambule kabotu? (Mt 7:12) Nkinkaako, kulayandikana kujuzya bantu boonse basika kuNg’anda yaBwaami kiitanasaanguna miswaangano naa niyamana. Kuchita oobo kupa kuti bantu bamvwanane akuti Jehova alemekwe. (Mt 5:16) Nikuba kuti tazichiti chiindi choonse kuti ujuzye bantu boonse basika kuNg’anda yaBwaami, pesi zilakonzya kupa kuti bantu boonse baangunuke kuti twachita oobo. *

Tweelede kubatambula kabotu chiindi choonse bantu basika kumiswaangano, kutali ziindi zili mbuli zyaChiyubulusyo luzutu. Ikuti bantu basika kumiswaangano yesu chiindi chakusaanguna babona maKristu mbubatondeezya luyando, ziyoopa kuti balemeke Leza akuti baliswaanizye andiswe mubukombi bwakasimpe.—Joh 13:35.