BUUMI BWAMAKRISTU
Atuzibelesye Kabotu Zibelesyo Nzitubelesya Kuyiisya Bantu
Kugwasya bantu kuti babe basikwiiya kuli mbuuli kuyaka ng’anda. Kuti tukonzye kuyaka, tweelede kuzibelesya kabotu zibelesyo nzituli aazyo. Nkinkaako, tweelede kwaapandulula munzila iimvwisisika makani ajanika muJwi lyaLeza. (2Tim 2:15) Alubo kuti tukonzye kugwasya bantu kuti babe basikwiiya, tweelede kuzibelesya kabotu zibelesyo nzituli aazyo ziswaanizya mabbuku amavidiyo. *
Niinzi chikonzya kukugwasya kuti uzibelesye kabotu zibelesyo nzitubelesya kuyiisya bantu? (1) Kumbila mulangizi wakabunga kamulimu kuti akugwasye, (2) kumbila kubeleka awumwi sikupupulula uuli aluzibo (3) alubo utaleki kupulakitizya. Kuti wazibelesya kabotu zibelesyo eezi, uyoojana kubotelwa mumulimu wakuyaka bantu muzintu zyabukombi.
MAMAGAZINI
TUBBUKU
MABBUKU
TUPEPA
MAVIDIYO
TUPEPA TWAKUTAMBA
TUKKAADI TWAJW.ORG
^ par 3 Kuli amwi mabbuku ngitutabelesyi nitwiiya abantu pesi tulakonzya kwaabelesya zimwi ziindi kweendelana azyiimo zyabantu.
