Kutalika mumunyaka uuno, tuyooba aachiindi chiingi chakulibambila Chiyubulusyo chalufu lwaKristu. Kuti Chiyubulusyo chaba aakati kamviki, miswaangano yaakati kamviki tikachitwi pe. Alubo kuti chaba kumamanino aamviki, nkani yabantu boonse aChiiyo chaNgaziyakulinda taziyoochitwi pe. Kujana wachibelesya biyeni chiindi eecho? Mbuuli mbubakali kuchita maKristu bamumwaanda wamunyaka wakusaanguna, andiswe kuli zintu nzitweelede kuchita kuti tulibambile Chiyubulusyo. (Lk 22:7-13; km 3/15 1) Kuyungizya waawo, tweelede kulibambila myoyo yesu. Kujana twazichita biyeni eezi?

• Yeeyesesya atala ambukuyandikana kunjila Chiyubulusyo.—1Ko 11:23-26

• Komba alubo ulange-lange kuti bweenzuma bwako aJehova buli biyeni.—1Ko 11:27-29; 2Ko 13:5

• Bala alubo uyeeyesesye atala aMagwalo aatondeezya mbuchitugwasya chinunuzyo chaJesu.—Joh 3:16; 15:13

Bamwi basikupupulula basala kutobelezya bubambe bwakubalwa kwaBbayibbele kwaChiyubulusyo buli muli Examining the Scriptures Daily. Bamwi basala kubala mavesi aali muchaati iilaansi. Alubo bamwi basala kubala zyiiyo zijanika muNgaziyakulinda zyaambuula atala aChiyubulusyo aluyando ndutwakatondeezegwa aaJehova aJesu. Kufumbwa nzusala kubelesya nulibambila Chiyubulusyo, azikugwasye kuti uswene afwiifwi aJehova aMwanaakwe.