NKAMBOONZI NIKUYANDIKANA?: Mabbuku woonse aali muZibelesyo Nzitubelesya Kuyiisya Bantu atondeezya webbusayiti yesu iitegwa jw.org. Makanze aakakkaadi kajw.org akapepa katii, Tulazijana Kuli Nsandulo Zyamibuzyo Iikataazya Mubuumi?, ngakugwasya bantu kuti babelesye webbusayiti yesu. Tulakonzya kubelesya jw.org kuti tusendele muntu bbuku lijanika muZibelesyo Nzitubelesya Kuyiisya Bantu naakuti kumusendela meseji iitondeezya mbakonzya kulijana aawebbusayiti. Eezi zilakonzya kutugwasya chiindi nitwaswaana muntu wambuula mulaka uumbi. Alubo, chimwi chiindi bantu balakonzya kutubuzya mibuzyo iitajaniki mumabbuku aali muZibelesyo Nzitubelesya Kuyiisya Bantu. Kubelesya webbusayiti yesu kulakonzya kutugwasya kuti tuzwidilile mumulimu wakukambawuka.

MBUTUKONZYA KUZICHITA:

• Belesya chipanzi chiti “BIBLE TEACHINGS.” Kuti kuyanda kutondeezya muzyali mbakonzya kukomezya bana, tyanka aalembedwe kuti BIBLE TEACHINGS > MARRIAGE & FAMILY.

• Belesya chipanzi chiti “MABBUKU.” Kuti kuyanda kutondeezya sichikolonyokwe kabbuku katii, Nsandulo Zyamibuzyo Iili 10 Iibuzigwa Abachikula, tyanka aalembedwe kuti MABBUKU > MABBUKU ATUBBUKU.

• Belesya chipanzi chiti “ABOUT US.” Kuti kuyanda kutondeezya muntu ngubelekaawe makani aali atala azintu nzitusyoma, tyanka aalembedwe kuti ABOUT US > FREQUENTLY ASKED QUESTIONS.

AMWEEBELE KAVIDIYO KATII, KUBELESYA JW.ORG MPAWO MUBONE MBUMUKONZYA KUJANA MAKANI AAKUGWASYA MUNTU:

• uutasyomi kuti Leza mpali

• wachitikilwa penzi

• uutachichiti kabotu mubukombi

• uuyanda kumvwisisisya kuti twiijana kuli mali yakuchita mulimu wesu

• wakalongela kuli chimwi chisi uuyanda kuziba kuchitilwa miswaangano kuchisi nkwazwa