Jesu wakafwida bantu batamaninide. (Rom 5:8) Nkinkaako, umwi awumwi wesu ulalumba akaambo kakuti Jesu wakatutondeezya luyando kwiinda mukutufwida. Pesi tweelede kuyeeya kuti bakombima abalabo bakafwidwa aJesu. Kujana twabatondeezya biyeni bakombima batamaninide mbuuli ndiswe luyando luli mbuuli lwaKristu? Atulange-lange zintu zitatu. Chakusaanguna, tweelede kuba abeenzuma baswaanizya bantu bakakomezegwa munzila iisiyene ambutwakakomezegwa. (Rom 15:7; 2Kor 6:12, 13) Chachibili, tatweelede kwaambuula naakuti kuchita zintu zikonzya kunyemya bamwi. (Rom 14:13-15) Chakumamanino, kuti umwi watubisizya, tweelede kufwambaana kumulekelela chamoyo woonse. (Lk 17:3, 4; 23:34) Kuti twabeleka changuzu kutobelezya chikozyano chaJesu, Jehova uyoopa kuti mumbungano mube luumuno akujatana.

AMWEEBELE VIDIYO ITII, BA AAMABONENO AALIKABOTU! MPAWO MUSANDULE MIBUZYO IITOBELA:

• Kumatalikilo, Miki wakali kubabona biyeni bakombinyina?

• Niinzi chakapa kuti achinche maboneno aakwe?

• Chikozyano chaJesu chakamugwasya biyeni Miki kuti achinche maboneno aakwe? (Mk 14:38)

• Lugwalo lwa Tusimpi 19:11 kujana lwatugwasya biyeni kuti tubone bakombima munzila iilikabotu?