Uli aaminyaka iili 23 kusika ku65 na alubo uli mumulimu wachiindi choonse na? Uli aamubili uusimide na zyakuti ulakonzya kuyoobeleka kufumbwa kuyandikana basikupupulula? Kuti kuli wasandula mibuzyo eeyi kuti iiyi, kuli nunga wayeeya kufila foomu lyakunjila Chikolo chaBakambawusi baBwaami na? Kuzwa nichakatalika chikolo eechi, bantu biingi bali mulukwatano bakali kunjila chikolo eechi kuswaanizya bakwesu batakwete abachizi batakwetwe. Pesi bantu bayandikana loko mbakwesu batakwete. Komba kuli Jehova kuti akupe chiyandisyo chakumubelekela akuti utobelezye chikozyano chaMwanaakwe. (In 40:8; Mt 20:28; Heb 10:7) Kuti kuli aazintu zyiingi zyakuchita zyakumubili, ulakonzya kuubya buumi bwako kuti uyelele kunjila chikolo eechi.

Bantu bakanjila chikolo eechi bakajana zilongezyo zili? Bamwi bakakubelekela kumasena kwaambuulwa imwi milaka. Alubo bamwi nga baba basikujatila balangizi bamabazu, bamwi nga baba balangizi bamabazu naakuti mamishinali. Chiindi nuyanda kuyungizya mulimu wako mukubelekela Jehova, ulakonzya kwaamba majwi aakaambwa aalsaya aakuti: “Ndime aano! Kondituma!”—Is 6:8.

AMWEEBELE VIDIYO ITII, MAMISHINALI BABELESI BALIKUTEBULA, KUZWA WAAWO, MUSANDULE MIBUZYO IITOBELA:

• Mamishinali basalwa biyeni?

• Nguuli mulimu uuchitwa aamamishinali?

• Nziizili zimwi zilongezyo nzibajana mamishinali?