Mabambe aakugwisya sikuchita zibi akwabilila mbungano alubo agwasya sikuchita zibi kuti asiye michito yakwe iitali kabotu. (1Ko 5:6, 11) Kutobelezya malayilile aaya kutondeezya kuti tulamuyanda Jehova. Balimukkomiti yakubeteka kuswaanizya abamumpuli kujana batondeezya biyeni kuti balamuyanda Jehova chiindi umwi naagwisigwa mumbungano?

Kwiinda zyoonse, tutondeezya kuti tulamuyanda Jehova kwiinda mukumulemeka akusumpula zyeelelo zyakwe zisalala. (1Pe 1:14-16) Alubo nga tutondeezya kuti tulamuyanda muntu ooyo wagwisigwa mumbungano. Nikuba kuti lulayo luli boobu lulachisa pesi “luzyala mucelo waluumuno abululami.” (Heb 12:5, 6, 11) Kuti twaliswaanizya aamuntu wakagwisigwa naakuti wakalyaanzaania aambungano nga tulikukaka kulayigwa aaJehova. Jehova ulaya bakombi bakwe “cansaizi.” (Jer 30:11) Kuti twaswiilila malayilile aaJehova aali atala akugwisigwa mumbungano akukkala katusimide mubukombi, zilakonzya kugwasya muntu wabisya kuti azoboole lubo mumbunga yaJehova.—Is 1:16-18; 55:7.

AMWEEBELE VIDIYO ITII, ZUMANANA KUSYOMEKA AMOYO WOONSE, KUZWA WAAWO, MUSANDULE MIBUZYO IITOBELA:

• Nga bamvwa biyeni bazyali kuti mwanaabo wasala kusiya Jehova?

• Bamwi mumbungano kujana babagwasya biyeni bamumpuli kuti eezi zyachitika?

• Nduululi lwaano lwamuBbayibbele lutondeezya kuti kusyomeka kuli Jehova chintu chiyandikana loko kwiinda kusyomeka kuli bamumpuli?

• Kujana twatondeezya biyeni kuti tulasyomeka kuli Jehova kwiinda kusyomeka kuli bamumpuli?