LUBONO LUZWA MUJWI LYALEZA | ISAYA 52-57
Kristu Wakapenzegwa Akaambo Kandiswe
“Wakasampaulwa akukakigwa kubantu, . . . Iswe twakayeeya kuti ijanza lya-Leza ndelyakamuletela mapenzi aayo ngaaumwa”
53:3-5
-
Jesu wakasampawulwa alimwi bakaamba kuti wakali kutukila Leza. Bamwi bantu bakali kuyeeya kuti wakali kusubulwa aLeza mbuli muntu waba abulwazi busesemya
“Pele lukanze lwa-Jehova ndolwakamuuma, . . . nkabela makanze aa-Jehova ayooya kunembo mumaanza aakwe”
53:10
-
Nisimpe kuti Jehova zyakamuchisa naakabona Mwanaakwe kajayigwa. Pesi wakabotelwa kubona Jesu mbakali kusyomeka. Jesu wakatondeezya kuti babelesi baLeza balakonzya kukkala kabasyomeka nikuba kabasunkwa aSaatani alimwi wakapa kuti kukonzeke kuti bantu beempwa bakajane zilongezyo. Alubo, lufu lwakwe lwakapa kuti ‘makanze aa-Jehova’ azuzikizigwe
