NKAMBOONZI NIKUYANDIKANA?: Kuti “makanze aamumoyo wamuntu ali mbuli maanzi malamfu,” nkukuti kubelesya mibuzyo kuli mbuuli kubelesya chitesyo. (Tus 20:5) Kubuzya mibuzyo kupa kuti baswiilizi bajane mweenya wakwaambuula. Nsandulo zyamuntu zilakonzya kukugwasya kuziba mbukonzya kumugwasya. Jesu wakali kubelesya mibuzyo munzila iizwidilila. Kujana twamutobelezya biyeni?

MBUTUKONZYA KUZICHITA:

• Buzya mibuzyo iipa kuti uzibe mbayeeya. Jesu wakali kubuzya mibuzyo iipa kuti azibe nzibakali kuyeeya basikwiiya bakwe. (Mt 16:13-16; be 238 ¶3-5) Njiili mibuzyo njitweelede kubuzya kuti tuzibe mbubayeeya bamwi?

• Kubuzya Mibuzyo Iizulwida. Naakali kululamika Petro, Jesu wakabuzya mibuzyo yakatali kukataazya kuziba nsandulo. (Mt 17:24-26) Njiili mibuzyo yakuzulwida njukonzya kubuzya muntu kuti azibe nsandulo iilinjiyo?

• Mulumbe muswiilizi. Jesu wakamulumba mulembi naakabona kuti “wavuwa kabotu.” (Mk 12:34) Kujana wamulumba biyeni muntu kuti wasandula?

AMWEEBELE CHIPANZI CHAKUSAANGUNA CHAKAVIDIYO KATI, CHITA MULIMU WAKACHITWA AJESU​—YIISYA, MPAWO MUSANDULE MIBUZYO IITOBELA:

• Nkamboonzi kuyiisya ooku nikutali kabotu nikuba kuti zyoonse zyaambwa nzizyo?

• Nkamboonzi nitweelede kuchita zyiingi kutali kupandulula luzutu?

AMWEEBELE CHIPANZI CHABILI CHAKAVIDIYO, MPAWO MUSANDULE MIBUZYO IITOBELA:

• Mukwesu wayibelesya biyeni mibuzyo munzila iilikabotu?

• Nziizili zimwi zintu nzitwabona mukavidiyo nzitukonzya kutobelezya?