Niinzi chipa kuti tubotelwe loko kumiswaangano yabbooma? Miswaangano yabbooma itupa chiindi chakuti tukombe Jehova katulaamwi abakombima. Ngatwajana chakulya chamubukombi chiingi. Alubo ngatwajana chiindi chakubaamwi abeenzuma abamumpuli. Eezi zipa kuti tuyande kunjila miswaangano yesu yabbooma.

Chiindi nituli kumiswaangano eeyi, tatweelede kubikkila maanu kuzintu zitugwasya luzutu pesi tweelede kutondeezya kuti tulabayanda bamwi. (Ga 6:10; Heb 10:24, 25) Kujulila bamwi kkoma naakuti kubamba zyuuno nzituyanda kukkala luzutu, kutondeezya kuti tubabikkila maanu bamwi. (Flp 2:3, 4) Kumiswaangano yabbooma tujana beenzuma bapya. Muswaangano kutanasaanguna, nwaamana anituli aachiindi chakulyookezya, tweelede kukanza kuti twaambuule aamuntu ngututazi pe. (2Ko 6:13) Bantu aaba bayooba beenzuma kukabe kutamani. Kwiinda zyoonse, basimweendaanzila nibabona luyando ndututondeezyania, zilakonzya kupa kuti ambabo bayande kukomba Jehova.—Joh 13:35.

AMWEEBELE VIDIYO ITII, ‘LUYANDO TALUMANI’! MISWAANGANO YABBOOMA YAKACHITWA MUZISI ZISIYENE-SIYENE, KUZWA WAAWO, MUSANDULE MIBUZYO IITOBELA:

• Bakwesu bakanjila miswaangano yabboma yakachitilwa muzisi zisiyene-siyene bakatondeezegwa biyeni luyando?

• Nkamboonzi kujatana akutondeezyania luyando nkubachita bakombi baJehova nikugambya?

• Bakwesu bamuKabunga Keendelezya bakayisimya biyeni nkani yaluyando lwachiKristu?

• Bakwesu abachizi bakatondeezyania biyeni luyando kuGermany akuSouth Korea?

• Tweelede kukanza kuchitaanzi?