Niinzi zipa kuti ukataazikane? Uli mutwe wampuli na uulaazintu zyiingi zyakuchita? Uli muzyali ulaalikke na uulikubeleka changuzu kuti usanine mpuli? Uli mwana wachikolo na uutajatwi kabotu abeenzinyokwe? Ukkala kuchiswa-chiswa na naakuti wachembaala? Toonse tuli aamapenzi ngituswaana. MaKristu biingi baswaanana aamapenzi aasiyene-siyene aachiindi chimwi. Nikuba boobo, tuli aachoonzyo chakuti chaba aafwiifwi chiindi chakuti tuzowangununwe kumapenzi aaya.—2Ko 4:16-18.

Kulatuumbulizya kuziba kuti Jehova ulaabona mapenzi ngituswaana, ulabotelwa chiindi nituzumanana kusyomeka kulinguwe anitulisimya alubo utubambilide zilongezyo zyiingi loko. (Je 29:11, 12) Jesu anguwe ulatuyanda. Jesu wakatusyomezya kuti ‘unoolaandiswe’ chiindi nituchita mulimu ngwaakatupa. (Mt 28:20) Kuti twayeeyesesya atala alwaangunuko ndutuyoojana kwaakweendelezya Bwaami bwaLeza, tuyooba aalusyomo lusimide akuti tulisimye kumapenzi ngituswaananaawo.—Ro 8:19-21.

AMWEEBELE KAVIDIYO KATII, MBUKUNGA GUWO PATI LYABAFWIIFWI, GAMIKA MESO KULI JESU KUTI UKAJANE ZILONGEZYO ZIYOOYETWA AABWAAMI, KUZWA WAAWO, MUSANDULE MIBUZYO IITOBELA:

• Bantu bakalyaanzaania biyeni aLeza alubo zyakeeta mpinduunzi?

• Nziizili zilongezyo nzibayoojana bakombi baJehova basyomeka?

• Zyakachitika biyeni kuti tuzookonzye kujana zilongezyo eezi?

• Nchiichili chilongezyo nchulangilila kuyoobona kachilikuzuzikizigwa munyika mpya?