Samiyele wakali kusyomeka kuli Jehova kwabuumi bwakwe boonse. Nikuba kuti wakali muniini, taakayanda pe kutobelezya bana baEli, Hofini aFiniyasi. (1Sa 2:22-26) Jehova wakazumanana kuba aaSamiyele naakali kuyabukomena. (1Sa 3:19) Nikuba naakachembaala, Samiyele wakazumanana kusyomeka kuli Jehova nikuba kuti bana bakwe teembubakali kuchita pe.—1Sa 8:1-5.

Chikozyano chaSamiyele chituyiisyaanzi? Kuti kuli muniini, ziba kuti Jehova ulibuzi buyumu-yumu mbuswaana ambulimvwa. Ulakonzya kukugwasya kuti ubaachibindi. (Is 41:10, 13) Kuti kuli muzyali mpawo mwanaako waleya mukasimpe, chikozyano chaSamiyele chilakonzya kukugwasya nkaambo taakwe naakasinikizya bana bakwe kuti baswiilile Jehova. Wakazisiila mumaanza aaJehova alubo wakazumanana kusyomeka kuli Wisi wakujulu, Jehova. Kuti wazumanana kuba chikozyano chilikabotu, amwi mwanaako uyoobola kuli Jehova.

AMWEEBELE KAVIDIYO KATII, AMWIIYE KUZWA KULI MBABO—SAMIYELE?, KUZWA WAAWO, MUSANDULE MIBUZYO IITOBELA:

• Samiyele wakatondeezya biyeni kuti ulaachibindi naakali muniini?

• Danny wakatondeezya biyeni kuti ulaachibindi?

• Samiyele wakatondeezya biyeni kuti wakali chikozyano chibotu nikuba naakali wachembaala?

• Bazyali baDanny bakatondeezya biyeni kuti nchikozyano chibotu?