Tuyanda kubotezya Jehova muzintu zyoonse nzituchita. (Tu 27:11) Kuti tuchite oobo, tweelede kusala zintu zyeendelana aamizeezo yakwe nikuba kakutakwe mulawu ulaantanganana. Niinzi chikonzya kutugwasya kuti tuchite oobo?

Baapulogilamu yakubala Bbayibbili chiindi choonse. Chiindi choonse nitubala Bbayibbili, aanga kuli mbuli kuti tulaamwi aJehova. Tulakonzya kuziba mizeezo yaJehova kwiinda mukulanga-langa mbaakali kujata bakombi bakwe chiindi akulanga-langa zikozyano zyabantu bachita zintu zibotu naakuti zibi. Nituyanda kusala, muuya uusalala uyootugwasya kuti tuyeeye zyiiyo ziyandikana anjiisyo nzitwakabala chiindi muJwi lyaLeza.—Joh 14:26.

Yanduulisisya. Kuti kuyanda kusala chimwi chintu, libuzye kuti, ‘Ngaali mavesi naakuti lwaano lwamuBbayibbili lukonzya kundigwasya kuti ndimvwisisisye mbayeeya Jehova atala ankani eeyi?’ Komba kuli Jehova kuti akugwasye alubo ubelesye zibelesyo zijanika mumulaka wako nzitupegwa aambunga kuchitila kuti ujane malayilile aazwa muBbayibbili aayendelana aachiimo chako mpawo waabelesye.—In 25:4.

AMWEEBELE KAVIDIYO KATI, ‘ATUBALIKE CHAKULIYUMYA’—ATULYE CHAKULYA CHIYAKA MUBILI, KUZWA WAAWO, MUSANDULE MIBUZYO IITOBELA:

• Mbuubuli buyumu-yumu mbwaakaswaana muchizi uuchikula ngutwabona mukavidiyo?

  Your answer

• Kujana wazibelesya biyeni zibelesyo nzitubelesya kukuyanduulisisya kuti uzunde buyumu-yumu buli mbuli bwamuchizi ooyu?

  Your answer

• Kuyanduulisisya akuchita chiiyo chesu atulikke kutugwasya biyeni kuti tusale kabotu?—Heb 5:13, 14

  Your answer