Jwi lyaLeza lilakonzya kuchincha buumi bwesu. (Heb 4:12) Nikuba oobo, kuti litugwasye, lituzulwide, akuti lulayo luzwa mulindilyo lutugwasye, tweelede kuba aachoonzyo chakuti ‘ndijwi lyaLeza.’ (1Te 2:13) Niinzi chikonzya kutugwasya kuti tusimye lusyomo lwesu muBbayibbili?

Bala chipanzi chimwi chaBbayibbili buzuba abuzuba. Nubala Bbayibbili, yanduula bukamboni bwakuti Jehova Mulembi walyo. Muchikozyano, langisisya malayilile aajanika mubbuku lyaTusimpi mpawo ubone kuti malayilile aayo alagwasya mazubaano nikuba kuti akalembwa chiindi.—Tu 13:20; 14:30.

Yanduulisisya atala ayimwi nkani. Ziba makani aatondeezya kuti Bbayibbili lyakazulwidwa aaLeza. MuBbuku Ligwasya Kuvwuntauzya lya Bakamboni ba Jehova, yanduula aalembedwe kuti “Bbaibbele” mpawo ulange alembedwe kuti “Lyakasololelwa Amuuya wa Leza.” Ulakonzya kusimya lusyomo lwako kuti ubone kuti mulumbe wamuBbayibbili teewakachinchwa pe kwiinda mukulanga-langa Makani Aayungizyidwe A3, muBbaibbele lya Busanduluzi Bwanyika Mpya.

AMWEEBELE KAVIDIYO KATI NIINZI CHIPA KUTI TUSYOME . . . JWI LYALEZA? KUZWA WAAWO, MUSANDULE MIBUZYO IITOBELA:

• Kujanika kwamuduli watempele kuKarnak, kuEgypt, kutondeezya biyeni kuti Jwi lyaLeza ndyachoonzyo?

  Your answer

• Tuzizi biyeni kuti mulumbe wamuBbayibbili teewakachinchwa pe?

  Your answer

• Mbukunga Bbayibbili lyakafutuka, eezi zikugwasya biyeni kuti ubone kuti ndiJwi lyaLeza?—Bala Isaya 40:8

  Your answer