Basikupupulula biingi bakabona kuti zikozyano zyakwaambuuzyania zilagwasya chiindi nibali mumulimu wakukambawuka. Nikuba boobo, zyiimo zilakonzya kusiyana. Nkinkaako, basikupupulula balakonzya kwaamba nkani zisiyene-siyene mumulimu wakukambawuka kweendelana ankubakkala. Nikuba boobo, toonse tweelede kutobelezya malayilile ngitupegwa kuti kwaba mabbelekelaamwi. Makanze eesu ngakukambawuka makani mabotu aali atala aBwaami mbuli mbakaamba Jesu.—Mt 24:14.

Chiindi nibachita zitondeezyo zyabo, basikupupulula beelede kubelesya makani aanoowambuulwa muzikozyano zyakwaambuuzyania zili muKabbuku Kabuumi Amulimu Wesu. Kunze kwakuti kwapegwa aamwi malayilile, basikupupulula balaangunukide kubelesya umwi mubuzyo, lugwalo, mubuzyo uzoowambuulwa naakuti kuchita chitondeezyo kweendelana aankubakkala. Malayilile aaya abambulula zyakaambwa mukabbuku kamuswaangano kamuJune 2020 aapeji 8.