Kuti twasala kuchita zyiingi mumulimu waJehova, ngatulikwaabelesya kabotu manguzu eesu. (1Ko 9:26) Eezi ziyootugwasya kuti tuchibelesye kabotu chiindi chesu mamanino kaatanasika. (Ef 5:15, 16) Chiindi nimulikuchita kukomba kwampuli, mulakonzya kusala nzimukonzya kuzoochita mumunyaka wamulimu uuza. Kabbuku aaka kali aazyiiyo zikonzya kumugwasya kuti muzibe mbumukonzya kuzichita alubo mulakonzya kukomba atala ankani eeyi.—Jak 1:5.

Muchikozyano, boonse mumpuli balakonzya kubelekelaamwi na kuchitila bagwasye umwi wamumpuli kuti abe payona wachiindi choonse? Kuti kuyoowa kuti tuzookonzyi pe kusisya ma-awa aayandikana, ulakonzya kwaambuula aabamwi mapayona balaachiimo chikozyenie aachako. (Tu 15:22) Ulakonzya kusala kubuzya-buzya umwi payona chiindi nimulikuchita kukomba kwampuli. Mpawo ulembe mapulogilamu mpawo ubone kuti njiili njukonzya kuzootobelezya. Kuti kuli wakali kupayona chiindi, ulakonzya kulanga-langa zyiimo zyako kuti ubone kuti zilakuzumizya na kuti upayone lubo.

Zilachita na kuti bamwi bamumpuli yanu bakonzye kubweza bupayona bwakugwasilizya kwamweezi uumwi naakuti kwiinda? Kuti kutachikwe manguzu aakuchita zyiingi, ulakonzya kubweza bupayona bwakugwasilizya kwiinda mukujana chiindi chiche chakukambawuka buzuba abuzuba. Kuti kutakonzyi kujana chiindi chiingi chakuzwa mumulimu wakukambawuka aakati kamviki akaambo kakuti ulabeleka naakuti ulayiya, ulakonzya kubweza bupayona bwakugwasilizya chiindi zikolo nizijalidwe naakuti mumweezi ulaamviki zili 5. Lemba aakkalenda kuti uyanda kuzoobubweza lili bupayona bwakugwasilizya mpawo upange pulogilamu.—Tu 21:5.

AMWEEBELE KAVIDIYO KATII, MBUMUKONZYA KUTONDEEZYA KUTAYOOWA . . . NIMAPAYONA, KUZWA WAAWO, MUSANDULE MUBUZYO UUTOBELA:

• Chikozyano chamuchizi Aamand chitutondeezya biyeni kuti Jehova ulabagwasya aabo balipeda kupayona?