Jehova uyanda kuti mpuli zibotelwe. (In 127:3-5; Mu 9:9; 11:9) Nikuba oobo, kubotelwa kulakonzya kumana akaambo kakukataazikana azintu zichitika munyika akulubizya kukonzya kuchitwa abamumpuli. Niinzi nzyayelede kuchita umwi awumwi kuti mpuli ibotelwe?

Mwaalumi weelede kumupa bulemu mwanakazi wakwe. (1Pe 3:7) Weelede kujana chiindi chakuba aanguwe. Talangilili kuti mwanakazi wakwe aachite zintu nzyatakonzyi alubo ulamulumba akaambo kazintu nzyamuchitila anzyachitila mpuli. (Kol 3:15) Ulatondeezya kuti ulamuyanda alubo ulamulumbayizya.—Tu 31:28, 31.

Mwanakazi uyanduula nzila zyakugwasya mulumaakwe. (Tu 31:12) Ulalibombya kumulumaakwe alubo ubelekelaamwi anguwe. (Kol 3:18) Waambuula munzila yabulemu anguwe alubo waambuula zintu zilikabotu atala anguwe.—Tu 31:26.

Bazyali beelede kujana chiindi chakuba aabana babo. (Dt 6:6, 7) Beelede kubabuzya kuti balabayanda. (Mt 3:17) Chiindi nibabapa lulayo, beelede kubatondeezya luyando akubamvwisisisya.—Ef 6:4.

Bana beelede kulemeka akuswiilila bazyali babo. (Tu 23:22) Beelede kubuzya bazyali babo zintu nzibayeeya ambubalimvwa. Alubo beelede kutambula lulayo luzwa kubazyali babo akutondeezya kuti balabalemeka.—Tu 19:20.

AMWEEBELE VIDIYO ITII AMUBOTELWE MUMPULI, KUZWA WAAWO, MUSANDULE MUBUZYO UUTOBELA:

Niinzi nzyaakachita umwi awumwi kuti mpuli ibotelwe?