NKAMBOONZI NIKUYANDIKANA?: Mbuuli zibelesyo nzitubelesya, nzila zyakwaambuuzyania kakubelesegwa Intaneti zilakonzya kutugwasya naakuti kutunyongania. Bamwi maKristu basala kutabelesya nzila eezi zyakwaambuuzyania. Bamwi balazibelesya kuti baambuuzyanie azibbululu zyabo abeenzinyina. Nikuba boobo, Dyabbulosi uyanda kuti tubelesye nzila eezi zyakwaambuuzyania munzila iitali kabotu kuti tunyonganie bweenzuma mbutulaabo aJehova. Tweelede kubelesya Jwi lyaLeza kuti tutantamuke zintu zikonzya kutunyongania mbuuli mbaakachita Jesu.—Lk 4:4, 8, 12.

ZINTU NZITWEELEDE KUTANTAMUKA:

• Kubelesya Intaneti kwachiindi chilamfu. Kumana chiindi chilamfu kuli aIntaneti kulakonzya kupa kuti ubule chiindi chakuchita zintu zyabukombi.

  Malayilile aazwa muBbayibbele: Ef 5:15, 16; Flp 1:10

• Kweebela zintu zitali kabotu. Kweebela zifanikisyo zitali kabotu kulakonzya kupa kuti muntu abe achiyanza chakweebela ponogilafu naakuti atalike kutalijata kabotu. Kubala zintu zibikkwa abasiluleyo kulakonzya kunyongania bweenzuma mbutulaabo aJehova.

  Malayilile aazwa muBbayibbele: Mt 5:28; Flp 4:8

• Kutumizya majwi azifanikisyo zitali kabotu. Akaambo kakuti moyo uleena, muntu ulakonzya kutumizya bamwi majwi naakuti zifanikisyo zitali kabotu kabelesya Intaneti. Kuchita oobo kulakonzya kubisya mpuwo yamuntu ooyo naakuti kunyongania bweenzinyina mbwalaabo aJehova.

  Malayilile aazwa muBbayibbele: Rom 14:13; Ef 4:29

AMWEEBELE KAVIDIYO KATI, ABELESYE KABOTU MASOCIAL-NETWORK MPAWO MUBONE MBUMUKONZYA KUTANTAMUKA ZYIIMO ZITOBELA: