Jesu wakatusiila chikozyano chilikabotu chakutobelezya chiindi nituli mumapenzi naakuti nitupenzegwa. (1Pet 2:21-23) Nikuba kuti Jesu wakatukilwa akupenzegwa pesi taakabweedezya pe. (Mk 15:29-32, NW) Niinzi chakamugwasya kuti alisimye? Wakali kuyanda kuchita kuyanda kwaJehova. (Joh 6:38) Alubo wakabikkila maanu ‘kulukkomano ndwaakabikkilidwe kunembo.’—Heb 12:2, NW.

Nga twalimvwa biyeni kuti bamwi batujata munzila iitali kabotu akaambo kazintu nzitusyoma? MaKristu bakasimpe ‘tababeenzyi bubi babeenzya bubi.’ (Rom 12:14, 17) Kuti twatobelezya chikozyano chaKristu chakulisimya, tulakonzya kubotelwa akaambo kakuziba kuti tulatambulika kuli Leza.—Mt 5:10-12, NW; 1Pet 4:12-14, NW.

AMWEEBELE VIDIYO ITII, ZINA LYAJEHOVA LILAYANDIKANA MPAWO MUSANDULE MIBUZYO IITOBELA:

• Muchizi Pötzinger * wakachibelesya biyeni chiindi chakwe naakali alikke muchitookesi?

• Ngaali mapenzi ngibakaswaana Mukwesu aMuchizi Pötzinger nibakali mumajele asiyene-siyene?

• Niinzi chakabagwasya kuti balisimye?