BUUMI BWAMAKRISTU
Nzukonzya Kuchita Kuti Ugwasigwe Akubala Bbayibbele
NKAMBOONZI NIKUYANDIKANA?: Kubala Jwi lyaLeza kutugwasya kuti tuzibe “cakumaninina bwamba, bulamfwu, bulamfwu bwakuya mujulu alimwi abulamfwu bwakuyaansi” bwakasimpe. (Ef 3:18) Alubo kutugwasya kuti tujatisisye “jwi lyabuumi” akuti tutabi aakabala naakuti kampenda aakati kabantu babi. (Flp 2:15, 16) Kubala Bbayibbele katuli aatulikke kutugwasya kuti tulisalile kubala zintu nzitubona kuti tweelede kubelekela mpawo. Kujana twachita biyeni kuti tugwasigwe akubala Bbayibbele?
MBUTUKONZYA KUZICHITA:
-
Yengela mavesi mpawo ulembe mapoyinti muBbayibbele lyako, mufooni naakuti mutebbuleti
-
Chiindi nubala Bbayibbele, weelede kulibuzya kuti: ‘Ngwani ulikwaambwa? Niinzi zyakachitika? Ndiilili nizyakachitika? Nkuukuli nkuzyakachitikila? Nkamboonzi nizyakachitika? Zyakachitika biyeni?’
-
Ulakonzya kuyanduulisisya kwiinda mukusecha mitwe naakuti vesi yamuBbayibbele kubelesya zibelesyo nzitwakapegwa aambunga kuti umvwisisisye nzulikubala
-
Weelede kuyeeyesesya atala azintu nzwaabala kuchitila kuti ubone mbukonzya kuzibelesya
-
Belesya zintu nzubala mubuumi bwako.—Lk 6:47, 48
AMWEEBELE VIDIYO ITII, ‘ATUJATISISYE’ KWIINDA MUKUBALA BBAYIBBELE MUNZILA IIGWASYA MPAWO MUSANDULE MIBUZYO IITOBELA:
-
Bamwi kwakabagwasya biyeni kubala Bbayibbele?
-
Nkamboonzi kukomba nikuyandikana katutanatalika kubala?
-
Niinzi zikonzya kutugwasya kuti tumvwisisisye zintu nzitulikubala muBbayibbele?
-
Ngaali mamakki ngitukonzya kubikka muBbayibbele nditubelesya kukubala?
-
Nkamboonzi kuyeeyesesya nikugwasya chiindi nitulikubala Jwi lyaLeza?
-
Niinzi nzitweelede kuchita atala azintu nzitulikubala?