Mumbungano zyesu muli bakwesu abachizi bakomena baba aaminyaka myiingi kabakomba Jehova. Tulakonzya kwiiya mbubakasyoma Jehova chakumaninina. Tulakonzya kubabuzya atala ambuyakatalika mbunga yaJehova amapenzi ngibakaswaana anzila Jehova njakabagwasyaayo kuti balisimye chiindi nibakali mumapenzi. Chiindi nitulikuchita Kukomba Kwampuli tulakonzya kutamba umwi muKristu wakomena kuti tuzoomvwe nzyaakaswaana mubuumi.

Nibakwesu bakomena, mweelede kwaangunuka kubuzya maKristu bachili baniini atala azintu nzimwakaswaana. Jakkobo aJosefa bakali kubuzya bana babo zintu nzibakaswaana mubuumi bwabo. (Mtl 48:21, 22; 50:24, 25) Mukuya kwachiindi, Jehova wakazoolayilila basilutwe bampuli kuti kabayiisya bana babo atala amilimu yakwe mipati. (Dt 4:9, 10; In 78:4-7) Mazubaano, bazyali abamwi mumbungano balakonzya kubuzya bana zintu zibotu zyakachitwa aaJehova kabelesya mbunga yakwe.

AMWEEBELE VIDIYO ITII, KUJATANA NIKUBA KUTI MULIMU WESU KULIKUKASIGWA, KUZWA WAAWO, MUSANDULE MIBUZYO IITOBELA:

• Mutabi wakuAustria wakabagwasya biyeni bakwesu bakali kukkala munyika mulimu wesu muwakali kukasigwa?

• Niinzi zyakagwasya bakwesu aaba kuti bakkale kabali aalusyomo lusimide?

• Niinzi chakapa kuti basikupupulula biingi bakuRomania balyaanzaanie ambunga yaJehova alubo bakaboola biyeni?

• Zyakachitika eezi zilusimya biyeni lusyomo lwako?