NKAMBOONZI NIKUYANDIKANA?: Bbuku lya 1 Bakorinto lili aakati kamabbuku aali 14 ngaakalemba mwaapostolo Pawulu kuti asungwaazye bakombinyina. Chiindi muntu nalemba lugwalo, weelede kusala kabotu majwi ngatabelesye nkaambo sikutambula lugwalo ulakonzya kulubala kwaziindi zyiingi. Tulakonzya kukambawukila zibbululu abantu mbitujayide kwiinda mukubalembela magwalo. Alubo nzila eeyi tulakonzya kwiibelesya kuti tukambawukile bantu mbitutakonzyi kwaambuulaabo. Muchikozyano, bamwi bantu balakonzya kuba aachiyandisyo pesi kabatajaniki pe mumaanda aabo. Alubo bamwi bakkala mundawu zikataazya kusika mbuuli maanda aalaamagaadi naakuti masena aalikule. Nziizili zintu nzitweelede kubikkila maanu chiindi nituyanda kulembela muntu ngututazi lugwalo?

MBUTUKONZYA KUZICHITA:

• Ulakonzya kulemba nzwaali kunoomubuzya nikuli mwalikwaambuula mulomo mpande. Saanguna akumubuzya kuti nduweni akuti nkamboonzi nwaamulembela lugwalo. Kuzwa waawo, ulakonzya kubuzya mubuzyo uukonzya kupa kuti abe aachiyandisyo mpawo umubuzye kuti anjile aawebbusayiti yesu kuti ajane nsandulo. Alubo ulakonzya kumubuzya atala aZyiiyo zyaBbayibbele Zijanika aaIntaneti, bubambe bwachiiyo chaBbayibbele naakuti kumubuzya atala achimwi chiiyo chijanika mulilimwi bbuku nditubelesya nitwiiya abantu. Ulakonzya kubikka kakkaadi kajw.org, kapepa kakutamba, naakuti katract mulugwalo lwako

• Utalembi zintu zyiingi loko nkaambo muntu ulakonzya kukanduka kubala kuti lugwalo lwako kalulaazintu zyiingi.​—Langa lugwalo

• Weelede kwiindulula kulubala lugwalo lwako kutanalutumizya kuchitila kuti ubone kuti taakwe mpuwapambanisya akuti ubaachoonzyo chakuti wabelesya majwi aalikabotu. Utalubi kubbadala mali yakutumizya lugwalo