Pobwe lyaPasika lyakumaninsizya ndyaakachita Jesu lyakali kuyandikana loko. Mbukunga wakali waba aafwiifwi kufwa, Jesu wakabamba kuti achite Pobwe lyaPasika kalaamwi abaapostolo bakwe, kuchitila kuti abatondeezye mbubakali kuzoochita Chilalilo chaMwaami chaGoko chakali kuzoochitwa munyaka amunyaka. Wakatuma Petro aJohane kuti bakalungisye mung’anda mubakali kuyoochitila pobwe eelyo. (Lk 22:7-13; langa chifanikisyo chili aachivumbyo.) Eezi zituyeezya kuti tulibambile kuzoonjila Chiyubulusyo mu27 March. Mumbungano imwi ayimwi, nga kwachitwa mabambe aakuti ngwani uutazoope nkani, mbubakonzya kujana chinkwa awayini azimwi. Umwi awumwi wesu, weelede kuchitaanzi kuti alibambile kuzoonjila Chiyubulusyo?

Bambila moyo. Bala akuyeeyesesya atala akubalwa kwaBbayibbele kwaChiyubulusyo. Pulogilamu yakubala Bbayibbele ilajanika mukabbuku kategwa Kulingaula Magwalo Abuzuba. Alubo pulogilamu eeyi ilajanika muMakani Aayungizyidwe B12 muBbaibbele lya Busanduluzi Bwanyika Mpya. (Langa Kabbuku kaMuswaangano waBuumi Bwesu BwachiKristu Amulimu Wesu kamuApril 2020.) Mpuli imwi ayimwi ilakonzya kusala makani ngibayanda kuzoolanga-langa mukukomba kwampuli aatondeezya mbuchiyandikana chinunuzyo, kababelesya Watch Tower Publications Index naakuti Research Guide.

Tamba bamwi kuChiyubulusyo. Beleka changuzu mubbelekelaamwi lyakutamba bantu kuChiyubulusyo. Ulakonzya kutamba bantu baswaanizya bantu mbuwakakambawukila mbuyanda kuzoobweedela, bantu mbuwakali kwiiyaabo Bbayibbele chiindi, beenzinyokwe ababbululu bako. Baalu beelede kutamba aabo batachichiti mulimu. Kuti muntu nguyanda kutamba katakkali nkukkala, ulakonzya kujana chiindi andawu iyoochitilwa Chiyubulusyo kubusena nkwakkala kwiinda mukutyanka aachipanzi chilembedwe kuti ATALAA NDISWE apeeji lyakusaanguna aa jw.org mpawo usale aalembedwe kuti “Chiyubulusyo.”

Niinzi zimwi nzweelede kuchita kuti ulibambile?