Tuli aatuvidiyo tuli 4 ntutubelesya kwiiya aabantu Bbayibbili mumulimu wakukambawuka. Tuvidiyo ootu tubeleka biyeni?

• Kavidiyo kategwa, Nkamboonzi Nitweelede Kwiiya Bbayibbele?—Kavidiyo Kalamfu kakapangilwa kugwasya bantu kuti babe aachiyandisyo aBbayibbili kazitakwe ndaba achikombelo nchibanjila. Kasungwaazya bantu kuti bayanduule nsandulo zyamibuzyo iiyandikana muBbayibbili alubo nga kasandula imwi mibuzyo iikataazya. Alubo kapandulula nzyayelede kuchita muntu kuti kayanda kwiiya Bbayibbili.

• Kavidiyo kategwa, Nkamboonzi Nitweelede Kwiiya Bbayibbele? (kafwiifwi) kalikozyenie akavidiyo kalamfu pesi nkaminiti iimwi biyo. Kagwasya loko mundawu bantu mubalibbizi.

• Kavidiyo kategwa, Niinzi Cicitika Kuciiyo caBbayibbele? kakapangilwa kugwasya muntu kuti abe aachiyandisyo chakwiiya Bbayibbili alubo kasandula imwi mibuzyo bantu njibakonzya kubaayo, kuswaanizya amibuzyo muntu njalaayo kuti kayanda kwiiya Bbayibbili.

• Kavidiyo kategwa, Ulatambulwa Kuchiiyo chaBbayibbele nkakutondeezya bantu mbitwiiyaabo Bbayibbili. Nikuba kuti kavidiyo aaka kalaambidwe aapeji 2 yabbuku liti Mbukonzya Kubotelwa Mubuumi Kukabe Kutamani! pesi tulakonzya kukatondeezya bantu nitwiiyaabo kabbuku kati, Mbukonzya Kubotelwa Mubuumi Kukabe Kutamani! Kavidiyo aaka katondeezya zintu zijanika mubbuku eeli anzyatajane sikwiiya nanooyiya Bbayibbili.

Nikuba kuti tuvidiyo ootu tupangidwe munzila zisiyene pesi tulakonzya kututondeezya bantu naakuti kubasendela kuti kakweelela kuchita oobo. Basikupupulula beelede kutuziba kabotu tuvidiyo ootu akutubelesya mumulimu wakukambawuka.