April 29–May 5
INTEMBAUZYO 34-35
Lwiimbo 10 Ankombyo | Majwi Aantalisyo (1 min.)
1. ‘Tembawula Jehova Chiindi Choonse’
(10 min.)
Davida wakali kutembawula Jehova nikuba naakali mumapenzi (In 34:1; w07 3/1 22 ¶11)
Davida wakali kulidunda muli Jehova (In 34:2-4; w07 3/1 22 ¶13)
Kutembawula Jehova nkwaakali kuchita Davida kwakasimya beenzinyina (In 34:5; w07 3/1 23 ¶15)
Davida naakazwa kuli Abbimelekki, baalumi bali 400 bakali kuchija Mwaami Sawulu bakaliswaanizya anguwe munkanda. (1Sa 22:1, 2) Kulakonzeka kuti Davida wakali kuyeeya baalumi aba chiindi naakalemba ntembawuzyo eeyi.—In 34, katwe kamakani.
LIBUZYE KUTI, ‘Kumiswaangano yambungano iitobela, kujana ndamutembawula biyeni Jehova chiindi nindaambuula awumwi mukombima?’
2. Kuyanduula Lubono muJwi lyaLeza
(10 min.)
-
In 35:19—Davida wakali kwaambaanzi chiindi naakakumbila Jehova kuti aabo bamuzonda ‘batamutyankili meso’? (w06 5/15 20 ¶2)
-
Ntuutuli twaambo ntwaajana mukubala Bbayibbili kwamviki iino ntuyanda kwaabilana aabamwi?
3. Kubala Bbayibbili
(4 min.) In 34:1-22 (th chiiyo 5)
4. Kusaanguna Kwaambuuzyania Aabantu
(2 min.) KUKAMBAWUKA KUTALIBAMBILIDE. Kwaambuuzyania kwamana kutanakambawuka. (lmd chiiyo 1 fuka 4)
5. Kubweedela
(4 min.) KUKAMBAWUKA KUTALIBAMBILIDE. (lmd chiiyo 2 fuka 4)
6. Kupandulula Zintu Nzusyoma
(5 min.) Chitondeezyo. ijwfq 59—Mutwe: Bakamboni baJehova nga baziba biyeni kuti pobwe eeli lilikabotu? (th chiiyo 17)
Lwiimbo 59
7. Nzila Zitatu Zyakutembawula Jehova Kumiswaangano
(15 min.) Kwaambuuzyania.
Miswaangano yambungano itupa mweenya wakuti tukonzye kutembawula Jehova. Atubone nzila zitatu mbutukonzya kumutembawula.
Kwaambuuzyania: Waambuula atala bubotu bwaJehova chiindi nulikwaambuula aabamwi. (In 145:1, 7) Kuli zimwi zintu nzwaakamvwa naakuti nzwaakabala zyakakugwasya na? Kuli zimwi zintu na zyakakunoneezya nwaakali mumulimu wakukambawuka? Kuli nwaakasungwaazigwa awumwi muntu na kwiinda muzintu nzyaakachita naakuti nzyakaamba? Kuli chimwi chintu chakalengwa chakakunoneezya na? Zyoonse eezi nzipo zizwa kuli Jehova. (Jak 1:17) Fwambaana kusika kumiswaangano kuchitila kuti ujane chiindi chakwaambuula abamwi.
Kusandula: Yezya kupa nsandulo nikuba iimwi buyo kumuswaangano wambungano umwi awumwi. (In 26:12) Ulakonzya kusandula nsandulo iijanika mufuka naakuti kusandula mumajwi aako, kusandula kubelesya lugwalo, chifanikisyo naakuti kwaamba mbukonzya kuzibelesya mubuumi bwako. Ulakonzya kulibambila nsandulo zyiingi mbukunga nga kuli bantu biingi bayanda kusandula. Ngatulikupa “Leza chipayizyo chakutembawula” kuti nsandulo zyesu kazisika kumasekkoodi aali 30 naakuti kazitayindi kumasekkoodi aali 30.—Heb 13:15.
Nyimbo: Tweelede kwiimba nyimbo zyaBwaami katubotelwa. (In 147:1) Ulakonzya kutajana mweenya wakuti usandule kumiswaangano ikapati mumbungano zipati, pesi ulakonzya kutola lubazu chiindi nikuli kwiimbwa. Jehova ubotelwa loko chiindi nituchita zyoonse nzitukonzya kuti tumwiimbile nikuba katubonaanga tatukonzyi pe kwiimba. (2Ko 8:12) Ulakonzya kulibambila kwiinda mukupulakitizya kuchili kung’anda.
Amweebele VIDIYO itii Kwiinkilila Kunembo Nkwiilikuchita Mbunga Yesu—Chipo Chanyimbo, Chipanzi 1. Mpawo ubuzye baswiilizi kuti:
Kuzwa mbunga yesu niyakasaanguna, niinzi chitondeezya kuti kwiimba nyimbo zyakutembawula Jehova kulayandikana?
