LIPEDE KUMULIMU WAKUKAMBAWUKA | KUYIISYA BANTU KUTI BABE BASIKWIIYA KUPA KUTI TUBOTELWE
Yiisya Kulaachiyandisyo
Kuba aachiyandisyo kupa kuti bantu batuswiilila ambabo babe aachiyandisyo chakuswiilila mulumbe wesu. Kutondeezya kuti tuubona kuuyandikana mulumbe wesu. Toonse tweelede kutondeezya chiyandisyo kazitakwe ndaba kuti twakakomezegwa biyeni naakuti tulaabuntu buli biyeni. (Ro 12:11) Kujana twazichita biyeni?
Chakusaanguna, yeeya atala ambuuyandikana mulumbe wesu. Tulaachilongezyo chakwaambilizya “makani mabotu aazintu zibotu!” (Ro 10:15) Chachibili, yeeya kuti makani mabotu abagwasya biyeni baswiilizi. Bantu beelede kumvwa makani mabotu. (Ro 10:13, 14) Chamamanino, wambuula kutondeezya kuti ulaachiyandisyo kwiinda mukunyanyaasya mubili.
AMWEEBELE KAVIDIYO KATII, KUYIISYA BANTU KUTI BABE BASIKWIIYA KUPA KUTI TUBOTELWE—ZINTU NZUKONZYA KUCHITA MUKUKAMBAWUKA—YIISYA KULAACHIYANDISYO, KUZWA WAAWO, MUSANDULE MIBUZYO IITOBELA:
-
Niinzi chakapa kuti Neeta aleke kuba aachiyandisyo chakwiiya aaMaluba?
-
Niinzi chakagwasya Neeta kuti abe aachiyandisyo lubo?
-
Kuba aachiyandisyo kulagwasya
Nkamboonzi nitweelede kubikkila maanu kubuntu bubotu mbubalaabo bantu mbitwiiyaabo?
-
Kuba aachiyandisyo kubagwasya biyeni bantu mbitwiiyaabo abamwi?
