Kuti babotezye Jehova, bantu mbitwiiyabo Bbayibbele beelede kuba alusyomo lusimide. (Heb 11:6) Tulakonzya kubasika aamoyo kwiinda mukubelesya bbuku litegwa Mbukonzya Kubotelwa Mubuumi Kukabe Kutamani! Bbuku eeli lili aamagwalo agwasya, lipandulula kabotu, lilaamibuzyo ipakuti muntu ayeeye, tuvidiyo tunoneezya amapikicha mabotu. Kuti twagwasya muntu kuti abe aabuntu bulikabotu akuti abe abweenzinyina aLeza, nga kuli mbuli kuti tulikuyaka katubelesya zintu zitapyi amulilo.​—1Ko 3:12-15.

Bamwi kulayumina kusyoma kuti balakonzya kuba beenzinyina baJehova nkaambo tatukonzyi pe kumubona. Nkinkaako tweelede kubagwasya kuti bazibe Jehova akuti bamusyome.

AMWEEBELE KAVIDIYO KATII, SIMYA LUSYOMO MULI JEHOVA KUBELESYA BBUKU LITEGWA “MBUKONZYA KUBOTELWA MUBUUMI KUKABE KUTAMANI!” KUZWA WAAWO, MUSANDULE MIBUZYO IITOBELA:

• Nkamboonzi nitukonzya kwaamba kuti muchizi walikuchitisya chiiyo walibambilide?

• Njiili mibuzyo njaabelesya kuzwa muli Isaya 41:10, 13 kuti agwasye muntu ngwali kuyiyawe kwaamba mbalimvwa?

• Kavidiyo amavesi aabalwa amugwasya biyeni muntu wali kwiiya Bbayibbele?

Bantu biingi tabaasyomi pe makani aali atala achinunuzyo alubo bamwi tabachiboni mbuli chipo nchibakapegwa aLeza pe. (Ga 2:20) Tweelede kubagwasya kuti bachisyome chinunuzyo chaJesu.

AMWEEBELE KAVIDIYO KATII, SIMYA LUSYOMO MULI JESU KUBELESYA BBUKU LITEGWA “MBUKONZYA KUBOTELWA MUBUUMI KUKABE KUTAMANI!” KUZWA WAAWO, MUSANDULE MIBUZYO IITOBELA:

• Nkamboonzi nitukonzya kwaamba kuti mukwesu walikuchitisya chiiyo walibambilide?

• Waabesya biyeni makani ajanika muchipanzi chiti “Yanduulisisya” kuti agwasye muntu ngwali kwiiyaawe Bbayibbele?

• Nkamboonzi nikuyandikana kuti muntu ngutwiyaawe akombe?