“Jehova ulabakkomanina bantu bakwe.” (In 149:4) Nikuba kuti tatumaninide pe, pesi Jehova ubona buntu bubotu mbutulaabo akweezya nkutuchita kuti tuchite zibotu. Chimwi chiindi, kulakonzya kutuyumina kuti tube aamaboneno aalikabotu kunzila njitulibonaayo. Tulakonzya kulibona katutagwasyi pe akaambo kanzila bamwi njibatujataayo. Alubo chimwi chiindi kuti twayeeya zintu zibi nzitwakachita chiindi, tulakonzya kutaba aachoonzyo chakuti Jehova ulatuyanda. Niinzi chikonzya kutugwasya chiindi nitulimvwa oobu?

Jehova ubona zyiingi kwiinda bantu nzibabona. (1Sa 16:7) Nkukwaamba kuti Jehova ubona zintu zyiingi nzitutaboni pe mulindiswe. Zilabotezya kuti Jehova wakatupa Bbayibbili litugwasya kuti tuzibe Jehova mbatubona. Tulakonzya kuchita oobo, kwiinda mukulanga-langa mavesi aamuBbayibbili atwaano twamuBbayibbili tutondeezya Jehova mbabayanda bakombi bakwe.

AMWEEBELE VIDIYO ITII MOYO WAKO AWUBE AACHOONZYO KUNEMBO LYAJEHOVA, KUZWA WAAWO, MUSANDULE MIBUZYO IITOBELA:

• Chikozyano chasikuchijaana awisi chituyiisyaanzi kunzila Jehova njatubonaayo?

  Your answer

• Kuti muntu wachita chibi chipati wabweza ntaamu zyakuti abambulule bweenzinyina aJehova, kujana wachita biyeni kuti moyo wakwe ube aachoonzyo kunembo lyaJehova?—1Jo 3:19, 20

  Your answer

• Kubala akuyeeyesesya atala alwaano lwaDavida alwaJehosafati kwakamugwasya biyeni mukwesu ooyu?

  Your answer