Lino-lino, moyo mulamfu waJehova uzoosika mpugolela kubantu bali munyika. Zikombelo zyakubeja ziyoonyonyoonwa, zisi zizooswaanana kuti zilwane bakombi baLeza alubo Jehova uyoonyonyoona basizibi lyaAmagedoni. MaKristu bakulangilila aameso aasalala kuchitika kwazintu eezi.

Nikuba oobo, tatuzizi pe zintu zyoonse zitazoochitike muchiindi chamapenzi mapati. Muchikozyano, tatuzi pe kuti ndiilili loko natazootalike. Tatuzi pe kuti ntuutuli twaambo ntubatazoobelesye bazyapolitikisi kuti balwane zikombelo. Tatuzi pe kuti zisi zizoolwana bakombi baLeza kwachiindi chilamfu biyeni akuti kulwana ooko kunooswaanizyaanzi. Alubo tatuzi pe kuti njiili loko-loko nzila Jehova njatazoobelesye kuti anyonyoone basizibi lyaAmagedoni.

Nikuba oobo, Magwalo atupede makani woonse ngituyanda kuti tulangane aalyajuunza katutayoowi alubo katuli aachibindi. Muchikozyano, tulizi kuti tulikupona kumamanino ‘aamazuba aakumamanino.’ (2Ti 3:1) Tulizi kuti kulwanwa kwabukombi ‘kuzoofwiinsigwa’ kuchitila kuti bukombi bwakasimpe butanyonyoonwi. (Mt 24:22) Tulizi kuti Jehova uzoobavuna bakombi bakwe. (2Pe 2:9) Alubo tulizi kuti Ooyo Jehova ngwaakasala kuti anyonyoone basizibi akuvuna bankamu mpati lyaAmagedoni ulasyomeka akuti ulaamanguzu.—Chi 19:11, 15, 16.

“Bantu bazoomana manguzu akaambo kakuyoowa” nibatazoobone zintu zitazoochitike muchiindi chili kunembo. Pesi kubala akuyeeyesesya atala anzila Jehova njaakafutula bantu chiindi kuswaanizya azintu nzyakaamba kuti zizoochitika kunembo, kuyoopa kuti ‘tukayimikile nji tulange kujulu,’ katuli aachoonzyo chakuti kufutulwa kwesu kwaba aafwiifwi.—Lk 21:26, 28.