Mulimu wesu wakukambawuka weelede kuchitwa chakufwambaana nkaambo mapenzi mapati abaafwiifwi. (Tus 24:11, 12, 20) Kuti tugwasye bantu, tulakonzya kubelesya tukkadi twakubasungwaazya kubala Jwi lyaLeza akuti banjilaa webbusayiti yesu. Tukkadi ootu tulaa kkodi iigwasya kujana vidiyo iitegwa Nkamboonzi Nitweelede Kwiiya Bbayibbele? alimwi tugwasya muntu kuti ajane makani miingi naa kuti akumbile chiiyo chaBbayibbele. Bamwi bantu tabayandi pe kutambula mabbuku eesu pesi bayanda kunjilaa webbusayiti yesu. Nkinkaako, utalengwaani pe kubapa tukkadi ootu. Nikuba boobo, toyelede kupa tukkadi ootu kubantu batakwe chiyandisyo.

Chiindi nuchita milimu yako iisiyene-siyene, ulakonzya kupa kuti umwi muntu abaachiyandisyo kwiinda mukumubuzya kuti: “Ndikumbila kukupa chimwi chintu. Kakkadi aaka kakugwasya kuti unjilaa webbusayiti ilaamakani aatabbadalisigwi akuti ujane mavidiyo aambuula atala azintu zisiyene-siyene.” (Joh 4:7) Tukkadi ootu ntuniini, nkinkaako ulakonzya kutubikka munkomo kuchitila kuti utupe bamwi kufumbwa chiindi.