Jesu wakaambilizya “makani mabotu aa Bwami.” (Lk 4:43) Alubo wakayiisya bantu kuti bakombele Bwaami oobu. (Mt 6:9, 10) Mumweezi waNovember tuzoochita bbelekelaamwi lyakwaambilizya atala aBwaami bwaLeza. (Mt 24:14) Tweelede kulibambila kakuchili lino kuchitila kuti tuzootole lubazu mubbelekelaamwi eeli. Aabo batazoobweze bupayona bwakugwasillizya, balakonzya kuzoosisya ma-awa aali 30 naakuti 50 mumweezi ooyu.

Tweelede kunoobalila bantu bali muchilawu chesu lugwalo lwaambuula atala aBwaami bwaLeza. Chiindi nituliikubalila muntu lugwalo, tweelede kunoobikkila maanu kuzintu zisyomwa aamwining’anda. Kuti umwi muntu watondeezya chiyandisyo nitwamuswaya kakusaanguna, tweelede kumupa Ngaziyakulinda No. 2 2020. Tweelede kufwambaana kumubweedela mpawo tutalisye chiiyo chaBbayibbele katubelesya bbuku lijanika muZibelesyo Nzitubelesya Kuyiisya Bantu. Kwasyaala chiindi chifwiifwi loko kuti Bwaami bwaLeza buzoonyonyoone mfulumende zyoonse zili munyika. (Da 2:44; 1Ko 15:24, 25) Nkinkaako, atubelesye mweenya ooyu kuti tutondeezye kuti tusumpula Jehova aBwaami bwakwe!