Mumweezi waNovember tuzoochita bbelekelaamwi lyakwaambilizya atala akuti nyika mpya yabaafwiifwi. (In 37:10, 11; Ciy 21:3-5) Tweelede kulibambila kakuchili lino kuchitila kuti tuzootole lubazu mubbelekelaamwi eeli. Aabo batazoobweze bupayona bwakugwasilizya, balakonzya kuzoosisya ma-awa aali 30 naakuti 50 mumweezi ooyu.

Tweelede kunoobalila bantu bali muchilawu chesu lugwalo lwaambuula atala anyika mpya. Chiindi nituliikusala lugwalo lwakubalila bantu, tweelede kunoobikkila maanu kuzintu zisyomwa aamwining’anda. Kuti umwi muntu watondeezya chiyandisyo nitwamuswaya kakusaanguna, tweelede kumupa Ngaziyakulinda No. 2 2021. Tweelede kufwambaana kumubweedela mpawo tutalisye chiiyo chaBbayibbele katubelesya kabbuku kategwa Mbukonzya Kubotelwa Mubuumi Kukabe Kutamani! Tuzoobotelwa loko kwaambilizya “makani mabotu aacintu ciinda kubota.”—Is 52:7.

AMWEEBELE VIDIYO YALWIIMBO LUTII, AMWEEZYEEZYE KUTI MULI MU PARADAISO, KUZWA WAAWO, MUSANDULE MIBUZYO IITOBELA:

• Kasimbi aaka kalikuyeeyesesya atala akuti buumi buyooba biyeni kunembo?

• Ulangilila kuyoobonaanzi munyika mpya?

• Kuyeeyesesya atala abulangilizi mbutulaabo kujana kwakugwasya biyeni kuti ulibambile kuzootola lubazu mubbelekelaamwi lyamuNovember?—Lk 6:45