Tulabotelwa kuti twakaba aakabbuku abbuku pya lyakuyiiisya bantu Bbayibbele. Tukombela kuti Jehova atulongezye mumulimu ooyu wakugwasya bantu kuti babe basikwiiya. (Mt 28:18-20; 1Ko 3:6-9) Zibelesegwa biyeni zibelesyo eezi zipya?

Mbukunga bbuku litegwa Mbukonzya Kubotelwa Mubuumi Kukabe Kutamani! ndyakugwasya bantu kuti bamvwisisisye Bbayibbele, lili aanzila mpya yakuyiisya, tobelezya malayilile aalaansi aawa kuchitila kuti ubone mbukonzya kulibambila akuchitisya zyiiyo zyaBbayibbele. *

• Mubale mafuka mpawo mwaambuzyanie atala amibuzyo

• Mubale mavesi alembedwe kuti “bala” mpawo ugwasye muntu nguyiyaawe kuti abone mbakonzya kwaabelesya

• Mweebele tuvidiyo mpawo mwaambuzyanie atala antuto kamubelesya mibuzyo iibikkidwe

• Yezya kuti mubuzuba mbumwasaanguna chiiyo, muchimane

Mumulimu wakukambawuka, saanguna kupa muntu kabbuku kuti ubone kuti ulaachiyandisyo na. (Langa kabbokesi katii, “ Mbukonzya Kupa Muntu Kabbuku Kategwa Mbukonzya Kubotelwa Mubuumi Kukabe Kutamani! kuKubonana Kwakusaanguna.”) Kuti mwamaninsya kabbuku aaka mpawo muntu nguyiyaawe kalaachiyandisyo, ulakonzya kumupa bbuku pati mpawo musaangunine aachiiyo 04. Kuti kulikwiiya aamuntu bbuku litegwa Nzilituyiisya naakuti litegwa Kukkala Katuli Muluyando lwaLeza, mweelede kuchincha mubelesye litegwa Mbukonzya Kubotelwa Mubuumi Kukabe Kutamani! mpawo ulabona kuti mulasaangunina aali.

AMWEEBELE KAVIDIYO KATII, ULATAMBULWA KUCHIIYO CHABBAYIBBELE, KUZWA WAAWO, MUSANDULE MIBUZYO IITOBELA:

• Niinzi ziyooyiigwa aazyiiyo zyaBbabbayibbele mubbuku eeli pya?

• Nkamboonzi nweelede kutondeezya chiiyo chaBbayibbele kavidiyo aaka?

• Nziizili zintu nzweelede kusungwaazya chiiyo chaBbayibbele kuti chichite?—Langa chaati itii, “ Makanze Azyeelede Kuchitwa Muchiiyo Chimwi Achimwi”